因為之前蒸蘿蔔糕覺得 D 錫紙盆太淺，所以去街市買咗兩個直徑７吋，高３吋嘅不銹鋼蒸砵。可以啱啱好放得落個電子蒸爐到！一次可以蒸兩底，fit 到漏！不過蘿蔔只能刨３斤１０兩左右，少於４斤，否則就會好似我今次咁，多出一碗仔份量 
我仲專程去西環買臘腸，本來唔知邊檔好，一路由上環行到西環 D海味鋪，腍住搵檔多人幫襯嘅咪得囉！點知冇乜，是但行入一間買咗斤。跟住就行番轉頭。哈，點知行番到東華醫院個路口，先醒起，平時行過有間臘味鋪，嘩，今日人生人海！洗乜去西環呀！
於是貪高興又買多斤，睇下邊檔好食 D, 我估應該都係上環呢檔架啦！
今次特別買埋膠手套，但係點知仍然＂拿＂手！
呢個蒸爐好好用，特別係 one man band，煮餐飯，一次食唔哂，可以待下次蒸番熱食，最緊要係唔洗睇火，啱哂我呢 D 大頭蝦！蒸包又軟林林，唔會好似叮完之後乾哂！
睇下，size 啱啱好！
不過，今次唔記得留番少少炒好咗嘅臘腸粒放係面添！
08年嘅下半年沒有任何潛水計劃，皆因想全部時間投入工作。豈料１２月加入了失業大軍。現在猛撩人去潛水，但未有著落。
閒在家裡，又提不起勁去做下運動，也許是過去一年太倦，實在很須要休息。
過去因為太忙，只能騰出很少時間做義工服務，所以正好把握這段時間多做探訪。
前幾天去做探訪，與病友提起我媽媽煮的蘿蔔糕很好食，（其實只有蘿蔔糕好食而已！
第二天我立刻打電話給媽媽，可惜她這一兩天忙著，而我自己反正閒着，所以決定自己做。一方面打電話問媽媽做法，二方面上網找資料。現在 internet 實在提供了不少資訊，很多東西都可從網上學到。
中午先去街市買了４斤蘿蔔，３蚊斤，很新鮮。後來去百X，佢地做特價，賣８毫子一磅，不過當然冇街市果 D 咁新鮮啦！
綜合亞媽做法和網上教嘅做法，我嘅處女作做法如下：
材料：
白蘿蔔４斤 (蒸出來有結果有 2個半鍚紙盆嘅份量)
兩孖臘腸，一兩蝦米（40g)，100g冬 菇 ( 約 20 隻)
（看自己的喜好，可加入其他材料）
粘米粉 300g (因為蘿蔔多水，所以應該多些粘米粉會結實些，400g應好些)
調味料
糖 1 茶匙
胡椒粉 1 茶匙
鹽 2 茶匙
雞粉 1 茶匙
做法:
1. 先將臘腸，蝦米，冬菇用水浸軟切粒。
2. 將白蘿蘿蔔絲去皮 ， 刨絲，搾水，水與絲分開。
3. 蘿蔔水加入粘米粉同一茶匙栗粉攪勻成粘米粉漿備用。
4. 燒紅鍋，下油炒 蝦 米 、冬 菇、臘腸粒等再起鍋。
5. 燒紅鍋， 下蘿蔔絲炒至七成熟，下粘米粉漿，改用中火邊煮邊攪成糊狀（一定要攪到杰撻撻至得），下調味料，把大部份的蝦米 、冬 菇、臘腸回鍋炒至收水 。留起少少作鋪面。
6. 把炒好的材料倒入鍚紙盆，把留下的蝦米粒等材料鋪在蘿蔔糕面，大火蒸了 50分鐘。（蒸45至60分鐘，可以筷子插入唔黏便可）
製成品：
第二天，拿了一底去送人，她切了差不四份一出來蒸熱食，話好好食，眨眼間全部食完！佢滿足時我更加開心！
＊＊ 原來用手搾蘿蔔水嘅時候係會＂拿＂手，所以最好戴對手套！ ＊＊
記得以前，教生物的老師曾經講過，話牛奶是給牛仔飲的，並不適合人類飲用．還記得他的意思是，小朋友尚可吸收牛奶中的營養，但當人長大，腸胃中便會少了能把牛奶消化的酵素．反正自己一向不喜歡飲牛奶，有反胃的感覺．也很自然地接受了這個說法．
最近又再聽到有關”不要飲牛奶”的討論，所以上網找了些資料．原來港台鏗鏘集在今年４月曾播出一集叫：“牛奶有無益”的節目（2007年4月9日播出的)
http://www.rthk.org.hk/rthk/tv/hkcc/20070409.html ．重看之後，再參考了拍攝此片的資料搜集 (http://go-elsewhere.com/2007/04/06/got-milk/) ，了解到我們其實非但不須要飲牛奶，多飲可能有害！
一直以來，藉著廣告的宣傳，牛奶都給我們一種很好的感覺，含有很多營養和鈣質，對身體很好，應該多飲．要小朋友快高長大發育健全，就至少每天要喝一杯．成人飲又可預防骨質疏鬆．（廣告靠得住，豬毑都會上樹）
但實情是牛奶非但不是必須的食品，多飲反而有害！
牛奶營養高？
首先，一般植物類食物（包括蕃茄、菠菜、青豆、豌豆和馬鈴薯)所含的營養，其實比牛奶還要高．所以，如果以營養價值作標準的話，原來必吃的是植物類食物而非牛奶．況且植物類食物含有纖維素，而全無膽固醇！
每 500 卡 路 里 食 物 當 中 的 營 養 成 份
營 養 成 分 | 植 物 類 食 物 | 動 物 類 食 物 |
蛋 白 質 | 33 g | 34 g |
胡 蘿 蔔 素 | 29,919 mg | 17 mg |
纖 維 素 | 31 g | – |
維 生 素 C | 293 mg | 4 mg |
葉 酸 | 1,168 mg | 19 mg |
維 生 素 E | 11 mg | 0.5 mg |
鈣 | 545 mg | 252 |
鎂 | 548 mg | 51 mg |
鐵 質 | 20 mg | 2 mg |
膽 固 醇 | – | 137 mg |
脂 肪 | 4 g | 36 g |
牛奶有豐富鈣質，能預防骨質疏鬆？
牛奶雖然含豐富鈣質，但亦同時含有較高的磷質．過份吸取磷質反而會降低鈣質吸收、減少製造維他命D及導致骨骼毛病等．另外，其他很多食物都有很多的鈣質．一磚豆腐，兩碗白菜，或一碗芥菜所含有鈣，就已經相等於一杯240毫升的牛奶．只要我們有均衡的飲食，基本上就已經有足夠身體所須要的鈣．
想知所進食的食物有多少鈣，可從這個網頁查下：http://www.ha.org.hk/dic/nq_03.html
至於何為足夠的份量？有研究認為每天550毫克便足夠，但不同種族的人，對鈣的吸收能力不同（中國人的吸收鈣的能力又較高），所以不同的國家有不同的建議攝取量．一般建議大約是1000毫克．
每天的鈣需要量
小童 | （1-3） | 500 | 毫克 |
（4-8歲） | 800 | 毫克 | |
青少年 | （9-18歲） | 1300 | 毫克 |
成人 | （19-50歲） | 1000 | 毫克 |
老人 | （50歲 以 上） | 1200 | 毫克 |
孕 婦／哺 乳 | 1300 | 毫克 | |
資料來源 ：Hospital Authority Dietetic Information Centre
另一方面，有跨國的統計數字顯示，單單補充鈣質，並不能預防骨質疏鬆或骨折。
如何預防骨質疏鬆：
牛奶對人其實冇益!
而且牛奶會引致乳糖不耐受症．
乳糖是牛奶中之主要的碳水化合物，約佔牛奶之4.4%(於人乳中為7.2%)，是人類嬰兒時期最重要之能源．於嬰兒時期，小腸內有一種叫“乳糖酶”的酵素，能分解乳糖，從而吸取養份．但隨著年齡漸長，體內小腸中之乳糖酶就會逐漸減少，因而減低了消化乳糖的能力。腸道內未消化的乳糖會導致腹漲、腹瀉氣，甚至胃痙攣──即乳糖不耐症。
最大的問題是，牛奶非但沒有大家一般認知的好．因為牛奶的蛋白質是動物性的，含高飽和脂肪，增加患上心臟病的機會．而牛奶蛋白中的酪蛋白，會觸發細胞癌變，增加患上乳癌，子宮癌，和前列腺癌的機會．到目前為止，雖然這個統計和硏究還未有醫學的定論，不過既然找不到任何飲牛奶的好處，那那麼少飲又何妨？
另外梁淑芳醫生的：《你可以不喝牛奶》也是很值得一看的書！
前天行經 C C Super 見到"牛蒡"呢樣嘢，平時沒有留意， 但最近想嘗試多些素食， 想起早前在日本見到有牛蒡沙律，所以上網找了一些有關牛蒡的資料，才知道原來它有很高的營養．
簡單D講，佢含有的蛋白質，纖維素，鈣質比起紅蘿蔔和菠菜都還要高出一倍．最重要的是它含非常豐富的胡蘿蔔素，而胡蘿蔔素是有抗氧化及抗癌特性的．
所以，經常食用牛蒡根可促進血液循環、清除腸胃垃圾、防止人體過早衰老、潤澤肌膚、防止中風和高血壓、清腸排毒、降低膽固醇和血糖，並適合糖尿病患者長期食用（因牛蒡根中含有菊糖），類風濕，抗真菌有一定療效，對癌症和尿毒症也有很好的預防和抑制作用．
可以點食法?
最簡單： 牛蒡絲煮茶涼拌兩相宜
牛蒡一條先用菜瓜布清洗外表後，再用刀如削鉛筆般削成細條，準備一大鍋水，用小火將牛蒡滾約二十分鐘，熄火待冷就是現成的牛蒡茶，再把牛蒡絲撈起，用醬油．糖．白芝麻浸漬，就變成好吃的牛蒡絲！
還有其他食法，可參考菜譜
後來知道，原來街市都有得賣，不過可能唔係檔檔有，賣$6至$10一碌咋!一碌足足有～３０吋長！成枝打狗桿咁！不過同 CC Super 個 D 唔同樣．
我今晚就煲咗個 青紅蘿蔔牛蒡湯，聽聞幫助便便，排清毒素身體好，咁皮膚都靚D囖!
材料：
半支牛蒡 + 1個甘荀 + 半個青蘿蔔 + 2個雪梨 + 4粒蜜棗 + 1片陳皮 + 半斤扇骨 + 4大碗水 (不過今晚我用瘦肉代替)
煲個半鐘
