6月同7月都係香港潛咗 一次，不過自從相機係５月 flood 咗之後，就冇相機用，直到上個月至買番。今日新機落水，零捨開心。
自己係超級怕凍，以為今日會好凍，點知有成３１度水，上星期都聽聞有３０度。好舒服呀，有 D friend 仲話熱，我就啱啱好！
今日去咗東霸，我都係第一次去。第一枝，自己乜都搵唔到。上到水，就聽到 D Buddies 話見到 Nudi！
於是第二枝就主力係霸邊搵 Nudi。頭 30 分鐘，都係乜都搵唔到
唔好以為佢好大隻，其實佢得手指尾指甲咁長咋！
自己盲中中，乜都搵唔到，可能好似一位高手話齋，我都＂未開眼＂。
好彩後來都俾我自己親手搵番隻！
之前係香港都只係跟 D Dive shop 嘅船出海，差不多獨孤一味去橋咀，所以已經提唔起興趣係香港潛。今次師兄們安排了一個本地潛，本來都冇打算去，因為去完馬代都想抖抖。點知 Buddy 話今次大會搵咗幾個大師去同大花一齊搵 Nudi。嘩！於是我都報名一齊去。
本來地點係去火石洲嘅，話果度多 Nudi，但係果日因為天氣好，大會改咗去果洲。嘩！我上次去果洲嘔到七彩，今次自己又唔記得帶定暈浪丸，問晒成船人，都冇人有暈浪丸！
好彩果日唔單只風平浪靜冇暈浪，隻船仲行得好快，個幾鐘就到。
因為我部相機又 Flood 咗，所有 D 相都係 Buddy 影嘅。淨係睇相，未必估到原來呢 D 都係香港出品呀！
Nudi 呀！我搵到架！
呢 D Globby 係一對咁出現，仲見到兩對添！以前係橋咀見過一條有尺幾長呢尾，可惜 D 水濁到無法影。
呢到有好多 Cusion Star 同時 Partner Shrimp
果日見到兩粒骰仔，一粒係傳統黃色，一粒係下面呢粒白白地色嘅，咁嘅色都係第一次見咋！
果日 D 水真係好清，落水嘅地方離地 8 米，一樣望地底，visibility 差不多有十五米！
好彩今次有去啫，真係要多謝 Buddy 拉我呢隻懶鬼去。今次仲係搬咗之後，第一次係香港潛，半個鐘就番到屋企，同以前要差不多兩個鐘至番到屋企，真係兩個世界！
上星期六下午去咗滘西，不過娃娃排唔見娃娃魚．果日有成31度，以為着件3/5m都夠啦，點知面果“浸”水就熱，但5米下就得番24度，打晒冷顫！不過我件膠衫都已經薄晒啦!
咁啱見到個朋友嘅朋友穿件同我同款同樣3/5m嘅 Neilpryde，不過佢件係我最鍾意嘅紫色 
轉移陣地去橋咀潛埋個night，就寄存晒D Gear係船，第二朝再嚟過．不過第二日唔知醒呀，大鑊！
夜潛嘅八爪魚
仲有游梗嘅 snake eel
第二日都係搵唔到 D 乜野！
今年第一次在香港潛係5月31日，地點是橋咀．不過自己冇帶相機，懶囉！有個buddy 潛咗兩枝就有事走先，留低部相機俾我影．所以等攞埋D相，才update 個 blog．
第一樽冇乜新發現，只是有幾條石頭魚，上水時不遠處傳來一些“歌聲”，聽真，原來是從一叟船傳來的唸經聲，應該是放生吧．我想起好像有些團體有辦為四川地震放生祈福．
午餐後便第二枝，哈，居然有大發現，係一條手掌咁大嘅 Clown Frog Fish呀！
聽人講過係香港見過 Frog Fish，不過自己親眼見就係第一次！
Frog Fish 的相多得 buddy 提供．
則面睇
正面睇
感覺上今日的橋咀好像是比去年多了些魚，不知是否因有人“放生”的關係，芝麻斑多了，沙鯭多了，還有一條兩尺長的大石斑魚！
不過斷估都 Snake eel 唔會係放生"掛”！（三，四潛唔同位置各見一條）
第四枝night，搵咗一會，我見亞蛇係一塊珊瑚到“捕”嘢影，我以為係珊瑚蝦，於是我有我“捕”條長尾 goby，有兩條長長絲帶尾果隻呢！不過水的viz太低，稍一接近，他便縮回洞裡！之後過去睇下亞蛇做乜“捕”咁耐啦，我睇來睇去都唔見有蝦，跟住 亞蛇示意係 Nudi 呀！ 我還以為是一團生在珊瑚上的迷你海葵！完來係我最鍾意嘅 Nudi呀！
夜潛仲有八爪魚！
今個星期一 (6月9），潛咗日龍舟水．好開心呀！因為今次係第一次去尖洲，探訪下小丑林！唔洗淨係橋咀啦，牛尾啦．
不過因為路程遙遠，由西貢碼頭開船都要粒半鐘，所以一日只潛得兩枝樽．尖洲都有幾多石頭魚，不過佢地反應都好快，稍為近 D，就已經一支箭咁”標”走咗．第一樽就已經見到有5條．
第一樽仲有大發現，係一條兩尺幾嘅黑鯆（Sting Ray)．不過影得麻麻地，呢張已經係第二樽一落水，趁冇其他人，D沙差不多沉殿晒至影，第一樽發現佢時，D水已經濁晒，根本影唔到．
得果 3/4吋長嘅BB石頭魚．
睇下支棒棒就知佢幾細．
仲有其他石頭魚．
第二組人仲見到兩條八爪魚，仲要係mating 梗！勁！
