爛潛+爛睏

上星期六下午去咗滘西，不過娃娃排唔見娃娃魚．果日有成31度，以為着件3/5m都夠啦，點知面果“浸”水就熱，但5米下就得番24度，打晒冷顫！不過我件膠衫都已經薄晒啦!

咁啱見到個朋友嘅朋友穿件同我同款同樣3/5m嘅 Neilpryde，不過佢件係我最鍾意嘅紫色 ，而我件係黃色．我好唔怕醜咁走過去問佢係邊處買．佢話係PD買．哈！？我都係PD買喎 ！不過原來佢係舊年買！我就大前年買，買嘅時候問sales有冇紫色，佢話有，不過冇入貨，不過 D色唔係成日有．而我又趕住買嚟外潛．唯有買咗件黃色啦！其實我久不久都行下潛水店，不過可能撞唔啱，見唔到啦！不過，如果我舊年買多件3/5m，咁今年就未必買到呢件4/5m．都係溫暖D好！（亞Q精神）

轉移陣地去橋咀潛埋個night，就寄存晒D Gear係船，第二朝再嚟過．不過第二日唔知醒呀，大鑊！結果我用咗十分鐘刷牙洗面換衫．．．．然後搭八點香港仔船，再飛的去鰂魚涌，再搭地鐵去坑口，再轉小巴！真係好轉接！好彩啱啱趕到咋，否則不但冇得潛，仲要等到傍晚至攞番D Gear添！

夜潛嘅八爪魚

仲有游梗嘅 snake eel

第二日都係搵唔到 D 乜野！