原來9月香港水咁暖

6月同7月都係香港潛咗 一次，不過自從相機係５月 flood　咗之後，就冇相機用，直到上個月至買番。今日新機落水，零捨開心。

自己係超級怕凍，以為今日會好凍，點知有成３１度水，上星期都聽聞有３０度。好舒服呀，有 D friend 仲話熱，我就啱啱好！

今日去咗東霸，我都係第一次去。第一枝，自己乜都搵唔到。上到水，就聽到 D Buddies 話見到 Nudi！

於是第二枝就主力係霸邊搵 Nudi。頭 30 分鐘，都係乜都搵唔到，突然，有 pair Buddy 過嚟打招呼，其中一個過嚟時，啱啱俾佢到隻 Nudi，咁就帶協埋我喇！

唔好以為佢好大隻，其實佢得手指尾指甲咁長咋！

自己盲中中，乜都搵唔到，可能好似一位高手話齋，我都＂未開眼＂。

好彩後來都俾我自己親手搵番隻！佢都係手指尾指甲咁大咋！