乘風航義工日

９月２３日星期三參加咗一個由聖雅各福群會同乘風航攪嘅伙伴計劃，由一班伙伴（義工）陪伴一班智障朋友（拍擋）體驗乘風航的歷險！這計劃叫伙伴計劃，意思是我們不是以義工的身份去幫助他們，而是以同伴的身份去一起體驗。

所謂歷險包括飛越高峰：攀爬一條繩梯，離地大約七尺，斜斜地向上爬大約八級，跟住又爬番落嚟。第二個係坐快艇。第三個就係乘風航嘅主菜：跳海。之前，還要拉纜起帆。

呢隻就係今時今日嘅新乘風航歡號。

而呢隻就係完裝版本 1978 年開始用嘅乘風航，而家已經退役了！

其實我係ＮＮ年前就已經上過乘風航玩，舊果隻呢！今次去唔係自己想玩，而係覺得呢個服務好有意義。正如船長話齋，呢 D在我們看來冇乜難度嘅項目，對於我們的拍擋來說，就是一個挑戰，除了可以給他們運動一下平時不常使用的肌肉外，還給他們一個發揮能力的機會。

最簡單的如攀爬繩梯，要他們協調手腳，一步步爬，原來都很花氣力，有些甚至很驚，唔敢爬，更遑論要他們抓住那吊桿，然後雙腳離地，還要鼓起勇氣跳落水。當然，有些是因為吊到倦了，然後趺落水的。坐快艇對他們來說原來最難是要從船爬一條直梯到快艇！

看到我這篇 Blog 的朋友，假如你還覺得這世界還欠你什麼的話，請你先看看自己已經擁有什麼！健全的四肢，靈活的頭腦，健康的身體，你應該懂得感恩了吧？！