Band show 義工

冇工番，平時就睇下書，睇下電視，煮下飯，但係仍然有好多無聊嘅時間。所以的起心肝，參加埋義務工作發展局，貪佢地多野做，又多地方選擇！

參加第一個活動，就係一個一連兩晚嘅抗毒 Band show，貪佢夠近！

個活動係針對青少年，做抗毒宣傳的，原本目標是青少年，但不知是否宣傳不足，每晚來的也只有三百人左右，似乎有點浪費。不過，這就是政府機構，同商營機構攪program 唔同嘅地方。觀眾中，不少是附近的街坊，有些甚至是為拿紀念品而來！不過，反正這些東西如不送出，也只是浪費掉吧了！

第二晚見到個 uncle，看起來也有六十多歲。起初以為佢都係一般街坊，點知開 show之前，見佢同 D 後生仔 Fans 講起 D Band，於是我搭訕起來，他說自己後生時也打Band，所以很多 Band show 都去睇。嘩！佢仲 In 過我，起碼佢唔會好似我咁，將＂朱凌凌＂當咗做香港小姐＂朱玲玲＂。