宣明會舊書義賣

星期日去咗鑽石山一個商場，幫宣明會做義工賣舊書。下午的那段時間並不算太多人，起碼比較起市政局圖書館舊書義賣，就算不上人山人海了。不過話雖如此，在這兒做了不一會，已經流汗！從來行商場都只有凍到打冷震！

舊書分為幾個部份：精選書 － 包括一些大專以上的參考書，硬皮書，以及一些特別的書，價錢由＄３０－＄７０不等；消閒書＄２０／本，＄５０就有３本；教科書＄３０／本，＄１００就有３本；兒童特價書＄５／本，大人特價書也是＄５／本；還有簡體字書＄１／本。

我就負責兒童特價書的角落，把亂了的書排好，以及把不屬此分類的書抽起。原來負責這角落都頗忙，小朋友同家長都不停＂炒＂，不過見到佢地搵到好野都替他們高興。有些家長還帶埋書單，有些帶埋買餸用嘅車仔。有義工說免不了有些＂買書黨＂，大量的買平書，然後加價賣出去。不過在這裡起碼見不到＂自由行＂的買書黨。

然後今日就去幫襯。本來唔腍住買嘅，因為之前搬屋已經捐咗起碼成５０本書以上。所以而家買乜都要腍下，下次搬屋又多樣野搬。　書呢樣野，送俾人，人亦未必多謝你，因為 taste 唔同。而有 D 書，即使睇完都係鍾意 keep 嘅。

結果我都係用咗＄２５０買咗呢堆書！要搬嘅時候，再捐囉！