出發前準備

今年２月去PG 時，因為次次都有Reverse block 嘅反應，上星期同亞蛇傾開電話，佢叫我去檢查下．我都覺得有D 心理陰影，所以去咗睇耳鼻喉專科．

照內窺鏡嘅結果原來話我有輕微鼻敏感．左邊鼻骨有些脹，右邊有鼻水倒流．（其實我都唔明係乜）！

我一直唔覺得自己有鼻敏感．因為唔似有 D 朋友咁，成日打噴嚏同流鼻水．唔知係唔係搬咗出市區住，空氣冇咁好，加上少運動，所以有鼻敏感，亦唔知上次 reverse block，係唔係因為已經有鼻敏感．定係上次個鼻傷咗，令到有鼻敏感．

不過，知道係有雞先定有蛋先，已經唔重要，最緊要係想辦法，做足準備，等下次潛，個鼻唔好再痛．配好藥，出發前一星期開始食抗敏感藥．

而且呢幾個星期都跑番步，因為四個月病咗３次．唔可以再做病壞啦！為出發前作好準備！