照鼻哥

話說3月尾去 Anilao 潛水有 Reverse Block 嘅情況，本來應該一番香港就去睇醫生。不過自己之之佐佐，攪到俾亞蛇捉，今日至去睇個耳鼻喉專科！

醫生就咁睇下個耳道，叫我抬高頭，睇下個鼻窿，就已經話有D問題！跟住照內窺鏡。咁大個人，都係第一次照呢種野咋！

照左邊個鼻哥窿時，醫生話幾好呀，冇問題。到照第二邊，佢唔出聲＂和＂！嘩，我諗：＂唔出聲，唔通有野？＂

照完，佢俾番D 片我睇，見到右邊鼻竇很入的地方，有些血絲和分泌物，可能是上次Reverse block 做成的創傷未好。現在只好乖乖食藥，快些好番，因為月尾又出發。

今次係去馬爾代夫呀！千萬不要一個人在船乾晒呀！

回想今次，起初以為是到步後才著了涼。但其實坐飛機去馬尼拉，將要降落時，我的耳朵有些痛，其實已經是一個信號，只是自己不夠警覺。

第二天的頭兩個潛，耳朵聽到有些＂之之＂聲音的出氣聲，已經知道是有問題。其實我係５米水，都已經上得好慢架喇！

萬一，下次再遇到這種情況，唯有落番少少，再慢慢上。就好似反唔到壓，要上番少少一樣。

鼻哥鼻哥，唔該快D 好番啦！