吹吹水: 4月 2009

2009年4月17日星期五

照鼻哥

話說3月尾去 Anilao 潛水有 Reverse Block 嘅情況，本來應該一番香港就去睇醫生。不過自己之之佐佐，攪到俾亞蛇捉，今日至去睇個耳鼻喉專科！

醫生就咁睇下個耳道，叫我抬高頭，睇下個鼻窿，就已經話有D問題！跟住照內窺鏡。咁大個人，都係第一次照呢種野咋！

照左邊個鼻哥窿時，醫生話幾好呀，冇問題。到照第二邊，佢唔出聲＂和＂！嘩，我諗：＂唔出聲，唔通有野？＂

照完，佢俾番D 片我睇，見到右邊鼻竇很入的地方，有些血絲和分泌物，可能是上次Reverse block 做成的創傷未好。現在只好乖乖食藥，快些好番，因為月尾又出發。

今次係去馬爾代夫呀！千萬不要一個人在船乾晒呀！

回想今次，起初以為是到步後才著了涼。但其實坐飛機去馬尼拉，將要降落時，我的耳朵有些痛，其實已經是一個信號，只是自己不夠警覺。

第二天的頭兩個潛，耳朵聽到有些＂之之＂聲音的出氣聲，已經知道是有問題。其實我係５米水，都已經上得好慢架喇！

萬一，下次再遇到這種情況，唯有落番少少，再慢慢上。就好似反唔到壓，要上番少少一樣。

鼻哥鼻哥，唔該快D 好番啦！

2009年4月10日星期五

2009年4月9日星期四

重遊Anilao (三）

話說部機點解會潛咗大半過後至 Flood 呢！我估係因為自己裝機果陣，放防潮珠放得唔好，夾住少少紙邊，所以 D 水才會入到去。

冇相影，便專心同 D 魚仔蝦仔玩。又是另一番樂趣！

話說回來，係Anilao，呢幾種 Nudi 隨處可見

Box Fish 也多。不過唔知點解淨係影到個背脊！？係都唔望人，冇禮貌。

呢種唔知係唔係獅子魚嘅一種呢？

要睇晒全部嘅相，嚟呢到啦！Anilao 相簿

2009年4月8日星期三

05年去嘅時候，自己是 O 仔，冇 Night，但３日內做咗８個 dive。唔記得Resort 個 3日package 包幾多個 dive，不過個個都係 boat dive。Fun diver們潛咗 11 枝，去咗十個唔同嘅 site，因其中一次 Night 番炒了 Resort 附近的 Coral Garden 一次。

今次呢！間 Resort 只是包兩個 Boat dive，shore dive 就無限。不過 3 日六次 Boat dive 加埋自費嘅兩個 Night Dive，都只係去咗六個 site ！

之前幾次出發前，都作感冒，挍到反壓有困難。估唔到，今次出發前冇事，第二日至出現 Reverse Block 嘅情況。第三枝 shore dive ，五米水後，個鼻就開始痛

，其實我已經升水升得好慢，但上咗水之後繼續痛，所以冇再潛第四第五枝，就番房訓覺！

第三日仲衰，落完第一枝，個鼻同頭都痛到飛起，連我這麼爛潛嘅人，都放棄落第二枝，就知我有幾痛！

第二枝冇落嘅損失，就係一條頭咁大嘅 Frog Fish 同一條極趣緻的 Blendy！好彩師兄好人，特別影咗 Video 俾我睇番。

師兄影嘅

之後 shore dive 冇去，直到師兄撩去 Night，因為呢晚唔 Night，聽日就冇得 Night！　

我地去咗 Basura，果度好多野睇，一落水就有好多 Razor ，起碼有幾百條！

真係未見過咁大群！影到呢 D 只是少部份，因為一游埋 D，佢地就散開！

得兩吋嘅 BB Banded pipefish！

之後有Spanish Dancer啦，Squid啦，仲有成打大人 Banded pipefish，可惜我部機已經影唔到。起初還以為是冇電。點知上到岸後，番房至知原來部機 Flood 咗呀！

重遊Anilao (一）

到 Anilao ，交通算是比較直接。只是一程飛機一程車。

3月29日，一行12人，早上坐 8 時 25分的飛機到馬尼拉，再搭大約３小時車。到達 Resort 時，只是下午３時。一向以來，跟慣亞蛇外潛，喪潛慣。一般情況攞咗房，４點實可以來個 check out dive 先啦。所以我飛快地換好泳衣，裝好相機，攞齊架餐，３點半已經係 dive shop 準備就緒。點知係到等等等，等到４點幾 dive shop 先有人出來話佢地安排唔到樽俾我地。因為我地個 package 係第二日至開始計，所以冇預我地一到會潛。而除了我們 12 人外，另外還有兩 group 香港大花，成 20人（我都未試過咁大班同鄉係一間 dive shop 嘅！）所以招呼唔到我地，除非等 Night Dive!　