曼谷消遙遊

已經唔記得上次去曼谷係幾時嘅事，只記得第一次去果陣係工幹，仲未有空鐵同地鐵；住 Hyatt Erawan，對開仲係空地，而家果到已經周圍都係酒店同大廈。

因為幾日前才決定去曼谷，冲忙地在網上找了些資料，十分有用。

第一日下午兩點到酒店 check in 後，趁星期日 Chatuchak有開，行咗個圈。由 Chit Lom 站坐空鐵去都只是 15 分鐘車程。因地方太大，自己又冇乜野想買，所以在外圍看看後，便集中睇銀器同家居擺設。見到有些本地拖鞋好靘，起初沒有想到要買，看看便算，走人後卻越想越鍾意，早知就買啦！

我一見到呢 D 信箱就發癲，如果我仲係住離島，我就一定買個番去用！既然而家用唔著，只好影番張相留念！

在 Chatuchak 行咗兩個鍾左右，便去唐人街買手信同食晚飯。一出地鐵站，打算坐篤篤去唐人街林真香，司機開價 70 Baht，我還 30，結果 50Baht成交。去到林真香買完全手信，問店主由地鐵站坐篤篤到應該幾錢，原來真係30Baht就得。之後坐篤篤幾多錢就可以計了！

第二日去咗參觀大皇宮同卧佛。

行完最好去做 Massage，啱啱 Body Tune 做 promotion，一個鐘 foot massage 加個半鐘香薰油按摩至 1100Baht。 我個按摩師手勢唔錯，做完之後，爽呀！

第三日，點都要去shopping啦。一早先搵間 travel agency 買人妖show票晚上睇，雖然買唔到網上講咁嘅平價，但因做咗資料搜集，覺得價錢 ok，起碼比酒店訂平一截！

Loft 內我簡單猫猫擺設

Asia Hotel Calypso - 據聞是最好睇的人妖 show。