上星期六下午去咗滘西，不過娃娃排唔見娃娃魚．果日有成31度，以為着件3/5m都夠啦，點知面果“浸”水就熱，但5米下就得番24度，打晒冷顫！不過我件膠衫都已經薄晒啦!
咁啱見到個朋友嘅朋友穿件同我同款同樣3/5m嘅 Neilpryde，不過佢件係我最鍾意嘅紫色 
轉移陣地去橋咀潛埋個night，就寄存晒D Gear係船，第二朝再嚟過．不過第二日唔知醒呀，大鑊！
夜潛嘅八爪魚
仲有游梗嘅 snake eel
第二日都係搵唔到 D 乜野！
今年第一次在香港潛係5月31日，地點是橋咀．不過自己冇帶相機，懶囉！有個buddy 潛咗兩枝就有事走先，留低部相機俾我影．所以等攞埋D相，才update 個 blog．
第一樽冇乜新發現，只是有幾條石頭魚，上水時不遠處傳來一些“歌聲”，聽真，原來是從一叟船傳來的唸經聲，應該是放生吧．我想起好像有些團體有辦為四川地震放生祈福．
午餐後便第二枝，哈，居然有大發現，係一條手掌咁大嘅 Clown Frog Fish呀！
聽人講過係香港見過 Frog Fish，不過自己親眼見就係第一次！
Frog Fish 的相多得 buddy 提供．
則面睇
正面睇
感覺上今日的橋咀好像是比去年多了些魚，不知是否因有人“放生”的關係，芝麻斑多了，沙鯭多了，還有一條兩尺長的大石斑魚！
不過斷估都 Snake eel 唔會係放生"掛”！（三，四潛唔同位置各見一條）
第四枝night，搵咗一會，我見亞蛇係一塊珊瑚到“捕”嘢影，我以為係珊瑚蝦，於是我有我“捕”條長尾 goby，有兩條長長絲帶尾果隻呢！不過水的viz太低，稍一接近，他便縮回洞裡！之後過去睇下亞蛇做乜“捕”咁耐啦，我睇來睇去都唔見有蝦，跟住 亞蛇示意係 Nudi 呀！ 我還以為是一團生在珊瑚上的迷你海葵！完來係我最鍾意嘅 Nudi呀！
夜潛仲有八爪魚！
今個星期一 (6月9），潛咗日龍舟水．好開心呀！因為今次係第一次去尖洲，探訪下小丑林！唔洗淨係橋咀啦，牛尾啦．
不過因為路程遙遠，由西貢碼頭開船都要粒半鐘，所以一日只潛得兩枝樽．尖洲都有幾多石頭魚，不過佢地反應都好快，稍為近 D，就已經一支箭咁”標”走咗．第一樽就已經見到有5條．
第一樽仲有大發現，係一條兩尺幾嘅黑鯆（Sting Ray)．不過影得麻麻地，呢張已經係第二樽一落水，趁冇其他人，D沙差不多沉殿晒至影，第一樽發現佢時，D水已經濁晒，根本影唔到．
得果 3/4吋長嘅BB石頭魚．
睇下支棒棒就知佢幾細．
仲有其他石頭魚．
第二組人仲見到兩條八爪魚，仲要係mating 梗！勁！
係三色台新聞睇到報導,話今朝十點，有漁民在香港仔對開的東搏撩海峽，以漁網捕獲到一條約五米長的鯨鯊．他們把鯨鯊拖到海洋公園，但海洋公園表示無法處理，結果通知叫漁農自然護理署，並在其指示下把鯨鯊帶到較深水處放生．
但是康文署卻隨即掛起鯊魚旗，其實他們知唔知鯨鯊係乜？！
南區十個泳灘懸掛鯊魚旗 康樂及文化事務署今日（六月六日）宣布，由於今日有漁民在南區銀洲對開海面撈獲一條鯨鯊，並隨後於同一水域放生，署方已在轄下港島南區的十個泳灘懸掛鯊魚旗，提醒泳客於防鯊網範圍內的泳區游泳。這些泳灘即石澳泳灘、深水灣泳灘、淺水灣泳灘、中灣泳灘、南灣泳灘、舂坎角泳灘、聖士提反灣泳灘、大浪灣泳灘、赤柱正灘泳灘和龜背灣泳灘。 位處同一水域的赤柱正灘水上活動中心和聖士提反灣水上活動中心將於明日（六月七日）起關閉，直至另行通知。
|
活 捉 鯨 鯊 漁 民 姓 張 ， 50 歲 ， 他 說 ： 「 自 己 捕 魚 30 多 年 ， 雪 櫃 等 巨 型 垃 圾 就 撈 過 幾 次 ， 捉 到 咁 大 條 魚 就 第 一 次 ， 好 開 心 ！ 」 昨 凌 晨 4 時 ， 他 駕 駛 15 米 拖 網 漁 船 出 海 捕 魚 ； 至 早 上 9 時 ， 漁 船 在 淺 水 灣 對 開 2,000 米 的 孤 島 銀 洲 附 近 撒 網 ， 半 小 時 後 收 網 發 現 魚 網 重 甸 甸 ， 他 滿 心 歡 喜 與 四 名 船 員 奮 力 絞 起 魚 網 ， 竟 發 現 捕 獵 一 條 灰 色 、 全 身 佈 滿 白 圓 點 的 鯨 鯊 。
他 以 繩 索 固 定 魚 身 拖 於 船 尾 ， 駕 船 返 香 港 仔 漁 市 場 準 備 變 賣 ， 可 是 吊 機 失 靈 無 法 吊 起 鯨 鯊 ， 遂 打 消 念 頭 ， 其 間 漁 護 署 及 海 洋 公 園 專 家 到 場 視 察 。 一 名 看 熱 鬧 中 年 漁 民 更 稱 ： 「 香 港 海 洋 污 染 嚴 重 ， 我 幾 歲 時 曾 見 過 一 次 鯨 鯊 ， 呢 大 魚 家 絕 香 港 啦 ！ 」
由 於 海 洋 公 園 並 無 巨 型 魚 缸 安 置 鯨 鯊 ， 張 姓 漁 民 接 納 漁 護 署 放 生 建 議 ， 下 午 4 時 驅 船 到 鴨 洲 海 面 剪 毀 魚 網 ， 笨 重 鯨 鯊 搖 搖 尾 鰭 潛 入 海 底 ， 失 去 蹤 影 。
疑 是 覓 食 時 迷 途
香 港 大 學 太 古 海 洋 科 學 研 究 所 研 究 員 杜 偉 倫 指 ， 列 入 《 瀕 危 物 種 紅 色 名 錄 》 中 瀕 臨 絕 種 動 物 的 鯨 鯊 是 鯊 、 非 鯨 ， 在 本 港 水 域 活 捉 是 較 罕 見 。 瀕 臨 絕 種 的 鯨 鯊 屬 濾 食 動 物 ， 活 於 熱 帶 及 亞 熱 帶 海 洋 ， 口 中 長 有 的 3,000 隻 細 小 牙 齒 ， 但 不 能 傷 人 及 咬 物 ， 靠 1.5 米 長 的 寬 闊 嘴 巴 過 濾 海 中 浮 游 生 物 及 小 蝦 、 小 魚 。 他 不 排 除 這 條 鯨 鯊 是 在 追 蹤 浮 游 生 物 時 ， 迷 路 誤 闖 香 港 南 區 水 域 。 去 年 4 月 ， 曾 有 潛 水 人 士 在 香 港 以 外 大 青 針 海 域 發 現 三 噸 重 小 鯨 鯊 ， 杜 偉 倫 指 曾 經 聽 聞 但 未 能 確 定 與 昨 日 捕 獲 屬 同 一 條 。
