香港海洋生物郵票

因為有位大哥問起香港有冇出過海洋生物嘅郵票，於是搵埋 D 小全章同首日封 collection．發覺原來香港都出過以下幾套系列，不過就同人地新加坡出果 D 差好遠！

1981年 - 香港魚類

1994 - 香港珊瑚

1997 - 香港貝殼

仲有今年發行咗一套”水母”特別郵票，不過我已經冇再集郵了！

另外，我仲有一套馬來西亞的首日封連郵票：

海洋生物郵票

前日執執下野，發覺原來自己已經好久沒有睇過自己 D集郵．哈！原來我有套咁嘅新加坡郵票．係唔係好熟面口呀？

生命無常

因為要搬屋的關係，迫使自己把很多用不著的東西都棄掉．當中包括了一些讀書時的作文，也有一些年青時寫的”散文”．曾經有寫日記的習慣，那時仍未流行寫 Blog，但當生活大多是千篇一律時，也就提不起勁去日日寫，反而是因遇到一些事，鈎起了一些特別的思緒，才會執起筆，把當時的一些想法記錄下來．一直保留這些文章，是因為曾經覺得，這些文字都記載了自己過去的心路歷程，從中可以找到自己的過去！

但是當生活每日都忙得透不過氣來時，原來根本沒有時間去翻開那些封了塵的過去！而更重要的是，生活應是活在當下，展望未來！

不過，話雖如此，翻了一篇沒有記錄日期的”感想”，記不起是什麼時候寫的，估計應是廿多歲的時候寫吧．文章是這樣的：

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

＜生命無常＞

第一次接觸死亡，是因為一個表姊的腦部生了腫瘤，當時家人是這樣告訴我知的．那時自己只有八歲左右，我已記不清楚表姊的容貌了，只隱約記得她瘦削的身體，無力的躺在病床上，頭上扎着白色的紗布．面色非常蒼白，說話時也促着氣，很辛苦的樣子．最後見她是在她出殯的日子．在天主教的儀式中，神父講了很多東西，不過，八歲的我根本聽不懂．很多人在哭泣落淚，我卻很乖、很靜．也許我不明白為什麼要為人離開世界而哭泣．也許我不知道他們失去了什麼！不久，這個表姊的媽媽也許因為傷心過度，沒多久就因高血壓爆血管而離開人世了．

第二次感受到死亡的威脅是讀中學時，一個很疼自己的太婆患上未期胃癌．見到她在病榻上呻吟的苦況實在心痛．每次探望她只見她每況愈下，身體一日比一日瘦，這是我除了在照片中看到飢餓下的兒童外，親眼見到什麼叫”皮包骨”的樣子．從爸爸的口中，知道太婆由於未辦好鄉下祖屋的事，總似有未能放下的心事般．癌症對於這個差不多八十歲高齡的老婦，使出了無比毒辣的招式來折磨她，使她藥物嚥不下，水也喝不了．我看着無比痛苦的老人家，我問自己，她從前這麼愛我疼我，我可以為她做些什麼呢？然而，我猛然發覺，人竟然是如此渺小，如此無助無能！心裡一股聲音對她說：「求求妳，別再苦撑下去，與其這樣辛苦，不如快些離開我們吧！」然後我的眼淚已壓抑不住．

生、老、病、死，縱使是必經的階段，是自然定律，我仍然深深不忿，仍想控訴．很多為什麼，很多無奈縈繞我的夢魘．曾經覺得，既然人必定要一死，那麼生存還有什麼意義？倒不如提早結束生命吧！這是我有生以來，第一次閃出這樣的想法．但是很快我便否決定了這種負面的想法．雖然我並沒有修讀什麼哲學，也沒有什麼宗教信仰，但是打從心底就有一股聲音在迥嚮，告訴我生命怎可能是沒有意義呢？正因為死亡隨時來臨，我更應好好活着，使生命更富色彩更美麗．

但是我並不是自我哄騙在美麗的象牙塔中．因為籍着「死亡，別狂傲」這本書，我知道與死亡戰鬥並不是容易的事．相反地，卻要無比獨立和堅強，去走這條沒有人能代替你走的路．最終我們必會失去生命，但死亡必不得勝．

投身社會工作的第二年，那時只有廿一歲，卻再要面對生命的另一次無常的打擊．一個與我相識十數載的同窗在一次交通意外中喪失了生命．廿一歲該是多麼燦爛的年華．當我想到他有多少理想仍未達到，有多少美夢仍未實現，就只一刻，一切就如煙消雲散般．我徹底地哭了，為着好朋友失去生命而痛哭，更為生命的不可知悲哀．沒有預告，沒有先兆，所有未完的都要就此永遠擱置．

生命只得一次，更加沒有人能預知生命何時終結，於是我收拾心情，趕緊走我未完的路，因為我的路或許會隨時終止．但我還有很多計劃未實踐，世界還有很多地方未有留下我的足跡．生命既不能重來，那麼我所能做得到的，就是不要讓生命白過．

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

翻看這篇文章，猛然發覺原來自己早就認識無常，亦選擇了用積極的態度去面對．不知道是因為這些領悟令我有積極的人生態度，或者是壓根兒我就是一個積極的人．不過那個是因，那個是果根本不重要．

現在接觸佛法，更加明白世間一切皆無常！

Nudibranch in Sipadan

我最喜愛的海兔

                                       

   
Reticulidia Halgerda                                            Pseudobiceros Hymanae
                                              

   
Chromodoris Coi                                                Chromodoris Dianae

   
Chromodoris Willani                                            Chromodoris Willani

   
Phyllidiopsis Shireenae                                       Phyllidia Elegans

   
Phyllidia Varicosa                                               Phyllidia Coelestis

   
Ardeadoris Egretta                                              Halgerda Malesso

   
Nembrotha Kubaryana                                       Nembrotha Kubaryana

   
 Hypselodoris Bullocki                                     Chromodoris Magnifica

   
Pleurobranchus Grandis                                      Pleurobranchus Grandis

Thecacera Sp2

再戰詩巴丹 - 完結篇

寫完咁多日嘅 Dive Blog，一直想等埋收齊 D相，整好本相簿，至寫個尾．因為用 stroke果 D 潛，D細野自己冇影，大野又影得唔好，至於 D岸上嘅相，有人影自己就唔影，但係原來收到 D精華相後，先發覺原來好多相都冇．真係有 D失望．不過冇所謂啦，都係果句，有水潛就得架喇！

睇相 :--> 詩巴單相簿

今次同樣住 Smart Resort．個 resort比起兩年前，設施方面改善咗好多．單係通訊方面，之前係要係某 D位至打到 IDD，但係而家邊到都打到．係餐廳仲免費 Wifi 上網．所以有 D Buddy一有時間係餐廳 check email．

另外就係大花放 gear 同沖身嘅地方，以前地方好細，而家就用咗嚟租 gear俾人客．（相片多得亞 drew提供）．

呢到以前係我嘅傷心地，因為我把鈦金屬潛水刀，第二個潛之後，就留低咗係到，跟住就冇咗 lu！

番香港之後周圍搵都買唔番，好彩後來亞蛇買到送番俾我．

不過潛親水都總係會唔見野，今次就唔見咗一隻左手嘅手套！又有一個藉口買新野．

而間gear "房"，就移到去近海邊，而且大好多，好寬闊．

沖身嘅地方

浸 gear 嘅地方

呢 D硬件係好咗，但係我覺得今次比上一次見得少野咗．一是可能因為係詩巴單島，都主力係潛 Barracuda point，好些 dive site 冇去，其次係 night 冇係 Mabul 同 Kapalai boat dive．不過今次再來，其實都唔係為咗番 D 相同嘅野，我係為窿而來，只不過冇辦法瀟瀟灑灑咁用孖樽入啫！

另外就真係覺得水質差咗．唔係心理作用．當我攞番 D 前年嘅相一比較，好明顯 D水冇以前咁清，D 一群群嘅 Barracuda 同 Jack 好明顯冇以前咁密麻麻！不過希望呢 D只係天氣或水流等暫時性嘅問題啦！

不過連科莫多龍都唔見埋！

再戰詩巴單 - 第六Day

2008.07.05

本來個 package 唔包今日嘅潛，但係既然嚟得，梗係潛到盡．不過都只能潛兩個，因為明天要走人！

Dive #1 – Barracuda Point

兩朝早都無緣見到 Bumphead，所以唔洗講梗係搏多次！雖然大家都唔講，不過其實都係好想見到嘅！同樣係 5:30am出發，我已經抱住平常心，有又好冇又好．一落水都係無，DM又叫我地捉住條繩．嘩！唔好玩啦！又滑水？今次仲慘，因為隻船倒後行，扯下扯下，又冇手套，隻手痛到不得了．當大家都差不多頂唔住嘅時候，DM終於叫我地上船．玩死！隻船開了一會，又叫我們落水！搵鯨鯊都冇咁辛苦！今次落水，唔知點解有個 Buddy好似落唔到咁，我一路望住佢．突然有人係到揮晒手咁“樣”我，我擰轉頭一望，嘩！ Bumphead 呀！好多條呀！

完咗呢個 Dive　之後，大家都覺得今次的詩巴單潛真的無憾了！

Dive #2 - Barracuda point

今個係 last dive啦！基本上要睇嘅野都睇到啦，所以大家都似乎特別盡情．DM話帶我地睇 Frog Fish，我以為係大頭果種，原來都係 Leaf Scornpion！不過無所謂，乜都係好嘅，又係果句，有得潛就得啦！ 

Last dive都係指定動作同個海同D魚講Bye bye！
今年冇好似之前咁日日五潛．因為大師兄們有特別訓練，所以6 日潛咗3+3+5+4+4+2=21個

再戰詩巴單 - 第五Day

Dive #2 – Drop off (入龜窿) 續篇

 

Dive #3 – Gurnard Ground (Kapalai)

開船後 DM問我們有什麼想看，我說想睇 Ghostpipefish．因我知道我的兩個朋友都應該未見過．於是我們便去了 kapalai，原來原定是去 Mabul的．不過冇所謂啦！不過原來 DM帶我們看的並不是我只的那種 Ornate Ghostpipefish，而是通常一出現就係打孖上嘅 Robust Ghostpipefish！之後仲俾我發現了幾條 Jawfish．我搞晒樽叫人睇，不過佢地好怕醜，好快就已縮回個洞到．

係條 wreck 上的Nudi．　

Dive #4 – Jetty (Night)

超大的 cuttlefish，晚晚都見到．

係 Jetty到有個新住客，係一條半隻手掌咁大嘅 Clown Frog Fish．之前的 Night dive其他人都見過，我因為走開了影魚毛蝦毛，所以睇唔到，今晚這個 Trip的最後一個 Night，好彩多得亞蛇我至睇得番．好趣緻呀！

 

再戰詩巴單 - 第五Day

2008.07.04

Dive #1 – Barracuda Point

今日第二次5:30am 出發，希望睇到 Bumphead．一早去到餐廳，至知今日會入龜窿，於是走番入房攞枝大燈．入龜窿係第二個潛，因為要等 D師兄係第一個潛時 set好 D繩先．

第一個潛認真黑仔，隻船駛到去 Dive site，孭起枝樽，點知成枝樽跌咗落嚟，原來背板兩粒鑼絲都甩咗，不過好彩執得番，冇唔見．拿拿淋上番實．但係點知一 roll back落水，個 stroke同枝架就肢解咗，成個 stroke沉落水，好彩即時發現，而且水淺，所以立刻 fin落去執番．但係當一半人落咗水後，DM話唔啱位，於是叫我們拉住條繩，然後開船．開頭以為唔係去好遠，一面拖行時，有 Buddy叫“鯊魚呀！”我望了一望，跟住又叫唔知 D乜，唉，離咁遠有乜好睇呀？不如慳番D氣，落水至睇啦！點知大大話話拖咗成十分鐘．好彩慳咗D氣．不過結果都係見唔到 Bumphead，唯有繼續潛，睇下其他野．

唔順嘅野，係一不離二，二不離三．可能因為面霜的原因，落到水個 Mask不停入水，不停清鏡，卒完面都唔得，好煩呀！跟住部相機影影下又 Hang埋！Focus唔到，微距又冇反應！成群 Barracuda停咗係前面，走到好近，以為可以影番張 Barracuda 大頭相，點知部機直情唔着潻！不過上咗水一陣佢又好番！唉！



Dive #2 – Drop off (入龜窿)

講真未入之前真係有少少緊張，因為唔知自己有冇“密室恐懼”嘅反應！落咗水，係水面，唔知點解，覺得唔係好 alright．我叫師兄幫我check 下有冇漏氣．嘩！居然真係漏氣．佢叫亞蛇再過來睇，原來漏得好勁．挍咗好耐都唔掂，結果要上船．原來個O ring霉晒，要換過個．

其實大家未落水之前，係船到係聽到有漏聲，但是 locate到是另外一枝，唔係我個枝．而自己可能戴住個 Hood，所以聽唔真 D聲．點都好啦，幸好及時發現，又好彩隻船未走，否則便與龜洞無緣，仲要累街坊．

係龜窿入口個”骷髏骨”警告牌到，撞見其他5個唔入龜窿的 Buddy．有了上次影呢種咁黑的環境的相，今次影得好少少，起碼冇乜粒粒，仲見到個樣．

係洞口幫其他人影咗幾張相，逗留咗十分鍾左右便正式入洞．係水面亞蛇已經 briefing咗要沿住條繩入去，亞蛇行頭我行尾．走的時候就我行頭，亞蛇行尾．唔準掂任何野．所以亞蛇一俾手勢入洞，我們三個人便好有秩序地一個跟一個慢慢入．洞口深廿米左右，一入洞，就立刻發現相比之下，我枝 UK100真係好弱！

入洞條路，就好像穿越一條隧道一樣，一至兩個人身位闊，有少少迂迴斜上．大約十分鐘左右，便到達了龜窿最外層的一個 chamber．D 師兄已經係到”青寧”梗．

呢個大廳個底大約22米，有四副龜殼．不過因為自己枝燈弱，所以只能趁住其他人照住 D殼時，才夠光影．所以只影得幾張相．