吹吹水

2009年5月23日星期六

3/5 - 9/5 馬爾代夫 (四)

5/5 Dive site: Dhigaa Thila

睇下我 Buddy Buoyance 幾好！

馬代的日落美景。

第三枝潛完後，大會節目係安排我們在一個島上 BBQ。

DM 同班 Crew 仲係沙灘堆沙，估唔估到佢地砌乜？

2009年5月22日星期五

3/5 - 9/5 馬爾代夫 (三)

呢朝一早六點三就聽 Briefing，因為今日三潛仲要搵鯨鯊！

5/5 Dive Site: Kuda Raw Thila, Dhidhoo Beyru

呢到條條 eel 閒閒地都粗過大脾，不過唔明佢地點解鍾意迫埋一齊！

　上面兩條係 Undulated Moray，下面果條係 Honey Cone Moray。

唔洗驚，呢條 Honey Cone Moray 佢唔係要咬人，只不過俾條醫生魚同佢清楚啫！

俾成千條畫眉圍！好浪漫呀！

每次潛完，所有裝備其實都是留在 Dory 上的，不過潛完第一支後，DM 叫我地帶埋 Mask，snorkle 同 fin上船，正式開始搵鲸鯊！

DM 仲預先 briefing 我們不能游得太近，又唔能夠摸佢，呢 D 我都知嘅！起初大家都很緊張，唔知幾時會見到鲸鯊！食過早餐，已經是八點幾，大家已經有些鬆懈！開始有 D 吹水嘅吹水，睇書嘅睇書。九點幾 DM 突然叫 "Ready!"。原來見到啦！嘩！我地立刻衝出船邊一齊睇，連係廁所嘅都立刻衝出嚟！跟住 DM 帶頭叫我地着野，然後係船尾等 DM 發號司令，因為要等隻船駛近 D ，至容易追到佢！一眾13人，靂靂拍拍跳晒落水，跟住 DM 搏晒命咁 fin，大約都 fin 咗成５０米至追到佢！Fin 到索晒氣，正想回下氣，鴨潛落深 D ，佢就下潛咗去深水區，所以見到嘅時間好短，只係影到幾張相！

9 點 25 分第一條鲸鯊！其實呢條只係好細，相信係 BB，大約三個人咁長吧！

呢張係 Buddy 當中影呢條影得最好嘅。

上水後大家起初唔肯除低 D裝備，仍然着住鞋，戴住個 Mask，攬住對 Fin企係船尾。不過企得一陣，冇乜聲氣，大家又由高惕備，變為低惕備，繼續吹水嘅吹水！直到差不多一個鈕頭後，又有發現Lu！

我地因為人多，落水有先後，不過我地都好君子，讓之前遲落水嘅 Buddy 先落！

10 點 14 分嘅鲸鯊！經大家研究過，認為第一，二次見到的是同一條來的。佢身上同一位置，仲有枝記號！

第三次好快又有鲸鯊踪影，話說係因為見到有另外一班外籍大花，係水到好似我地咁追鲸鯊。但係我地隻船冇停下來，直到再駛前一些，原來有另外一條，DM真醒！而且今次好近，唔洗 Fin 好遠，而且佢好大呀！就係因為預計唔到今次咁近，fin fin 下見 DM停咗落嚟，於是我問 Buddy "係邊呀？＂，Buddy 話＂係下面呀！＂嘩！原來我 Fin 過頭，一低頭落水就見到佢兜口兜面就係我前面，一時不知所措。抬頭吸啖氣，低頭入水就影啦！

10 點 42 分嘅鲸鯊！成架雙層巴士咁長！

我因為冇帶 snorkle，所以要抬頭吸氣。話說本來出咗門口，心血來潮想開番道門入屋攞番枝 snorkle 架喇，不過又懶！

鴨潛落去再影！

再影！

呢條唔知係唔係因為大 D，冇咁驚人，所以我地都陪佢游咗好耐，影到好多相！

再影！

之後，第二枝本來是咩樽睇鲸鯊的。我地着晒裝備，係 Dory 等 DM 發號司令。當見到時，我地遂個係 Dory 船頭 giant jump 落水。唉！不過今次失敗咗，因為好快好快佢已經消失咗！原來DM 話咩樽係水到會較嘈，會嚇走佢！

唔可以同鲸鯊共舞，真係美中不足，不過算啦，有水繼續潛！

Giant Moray

搵呢 D包包，梗係搵下有冇蝦仔啦！哈！不過呢隻冇喎！

左鄰右里！

話說，食飯時講起，原來當第一次發現鲸鯊時，有個 Buddy 係 Deck面興奮到兩頭＂滕＂，仲係叫＂點算好！點算好！＂大家都笑到攬住個肚！

今次能夠成功見到鲸鯊，除了地利外，DM同幾個 crew 都很落力搵。同上次去 S.Leyte 間直是兩回事！

2009年5月20日星期三

3/5 - 9/5 馬爾代夫 (二)

係刁曼個幾日，其實都有食住傷風藥同抗敏感藥，朝早食唔眼瞓嘅，夜晚至食眼瞓藥。不過狀態越戰越勇，個鼻越潛越通！所以整整下已唔記得食藥！

4/5 Dive sites: Dhigu Thila, Thinfushi Thila

用支 strobe仍然係好失敗，唔係打唔中，就係 D 光度唔啱！一個 Buddy 話係因為我個架嘅節數唔夠，如果多用一節，D 角度就會靈活 D。

Masked Bannerfish

起初以為住船，一定會喪晒，日日六潛！點知原來只是每日３潛，DM仲話唔係 guarantee！Night dive 要加錢，但都唔係話你肯加就有得潛。試過 DM 話個地方唔適合 Night Dive，於是就冇得 night！

好似呢日咁，因為隻船要航行去下一個目的地，所以今日得兩潛！原本大家都覺得如果有得選擇，寧可夜潛，不過DM 話聽日搵鯨鯊，所以我地都乖乖就範！而且 relaxe D，享受另一種渡假 feel，也很特別。

2009年5月19日星期二

3/5 - 9/5 馬爾代夫 (一)

去馬代之前，並沒有做什麼資料搜集，只知應是水清和睇大野的。第一支落，水都算清，但係冇乜＂馬代＂feel。這可能因為我們仍只是離開城市不遠。

3/5 dive site: Manta Point, Kuda Giri Wreck, Kuda Giri (Night Dive)

每次 DM做 brefing 都會劃圖，對水流的講解很清楚。