PG 20-24/2/2010 (完結篇)

Last Day - Verde Island

Verde Island 係 PG 對開嘅一個島，要坐較長時間快艇去，所以一過去就做２枝。呢到可能由於遠離＂民居＂，所以水很清，仲有 D 詩巴單 feel！去 PG如果唔去 Verde Isalnd，實在有 D 可惜。

好難得又見到比卡超，但係做乜個鏡頭蒙咗嘅？！

河馬先生話既然呢到咁水清，就應該影下人同境，唔好掛住影細野。

今次行程，雖然狀態唔好，不過玩得好開心，真係要多謝咁多 個 Buddy

PG 20-24/2/2010 (三）

Day 3 - Canyons/Kilima/Sinadingun Wall

今日原本打算４枝，可惜又事與願違。今日左邊鼻哥唔流血 lu，不過就到右邊流。

唔知關乜事，呢到 D 牛牛，以比例嚟講，成日都好忙. . . . .






睇唔到黃色，睇到紅色都好，不過紅色真係易睇過黃色。


早兩晚嘅夜潛，都係去 Lalaguna Point，所以今晚轉移陣地， Sabang Wreck。點知一落就要頂流，搵咗十幾分鐘，唔對路，所以大夥兒決定沿著撈繩上水。唔知係唔係上得快，所以一上水個頭就痛到出唔到聲，仲勁＂湯＂潻！為咗唔想掃大家興，我叫大家繼續，而我就同另一個亦頭痛嘅 Buddy 番 Resort 休息。

不過，佢地跟住又去番 Lalaguna ，有極品呀！

佢就係火焰墨魚 Flameboyant。又係河馬先生提供。


唔能夠親眼睇到真係覺得有 D 可惜，要是以前可能會 "dump"心不過總有機會嘅。

PG 20-24/2/2010 (二）

Day 2 - Boulders/ The Hill/ / Lalaguna Point
今次冇喪潛，又唔洗早起，第二朝８點半起身食早餐。十點先潛第一枝。
Boulders//Monkey Beach/Lalaguna Point
第一枝，一落就係 30米，為嘅就係黃色嘅豆丁海馬。有 D Buddy 好好眼，話睇到幾隻，但係我只係睇到有 D 野郁下郁下，眼耳口鼻就睇唔到。腍住睇唔到佢嘅真面目，都搏下大霧，影底佢，但係都影唔到！
要多謝河馬先生提供以下黃色豆丁嘅寶貴相片 真係大師至影到.

食梗早餐嘅牛牛。

第一枝上水時，已經上得好慢，但係唔妥，五米水又覺頭痛。上咗水仍然好痛，腍住要抖抖，第二枝唔去喇。點知抖咗半個鍾，見冇事，又嚟 lu!

The Hill　呢個 dive site 好似話係受保育嘅，所以先至仍然搵到 D 好大嘅珊瑚。而係水面，就話有 D "人"會＂及＂實你，睇下你有冇攪呢 D 有半個人咁大嘅巨人蚌。


呢個 sponge 半個人咁高，已經係好細，因為大到人咁高果 D，我嘅機仔同技術，根本影唔到。

今次上水真係好頭痛，仲流鼻血潻，不過唔係好嚴重。但都係要休息休息，瞓一個晏覺再夜潛。

Lalaguna Point 夜潛有好野！

出皇牌

呢塊唔係葉，佢係一條魚，叫 Cockatoo Waspfish。

睇下牛牛幾細，又睇下 Buddy D 指甲幾靚！

PG 20-24/2/2010

新工返咗3個月，剛過試用期，Buddy打電話嚟問我新年去唔去潛水。嘩！餓咗９個月外潛，上次聖誕冇＂局＂，今次梗係想去啦！因為唔係紅日去，所以都要請４日假。但以我呢３個月嘅表現，老細唔會 say No 嘅。

綠燈開咗，就即刻＂落搭＂。
今次嘅目的地係 PG。雖然潛咗５年水，但係 PG 呢個咁潛熱門嘅地方就偏未去過。
一行８人，有新相識（出發果日至識），亦有舊 Buddies。呢個就係潛水可愛嘅地方之一。
出發前幾日，香港得因為算近十度，都有 D 鼻塞塞。
出發果日，朝早５點９落樓，得果 11 度，所以又 Fleece，又Goretex。黠知落到街都唔算凍，可能因為冇風吧。其實攞得衫多冇著數，因為 D行李都 23kg。有個 Buddy就醒啦，著住件 wetsuit，咪唔洗帶咁多無謂衫囉！

PG 算是香港人的熱門潛點，因為算近。不過話近，都要飛去馬尼拉再坐３個鍾車，再１個鍾船！去到  resort 是下午３點幾，梗係拿拿聲嚟過 check out dive!
唔知係太耐冇潛，定出發前冷親，總之反唔到壓。足足係３米水停咗 11 分鐘，至＂至＂一聲，通晒！好多謝 Buddy 一路陪我，其他人已係深處玩梗，我打手勢叫佢落啦落啦，不過佢仍然等到我 "OK"至一齊落。真係好 Buddy!

Monkey Beach

以前聽人講 PG 嘅水好＂屎＂。一個 Buddy 話佢連續 3 年都潛 PG，真係一年屎過一年。唔知係因為唔同季節，定又係全球暖化同污染所致。 不過，眼見呢到 D 珊瑚都幾健康。

本來潛完個 check out dive 先係 5 點 9 ，正路都嚟個 night。不過自己既然狀態唔好，梗係留力啦！其他唔抖嘅就去咗 Lalaguna point Night 喇！

活出自己的人生

離開舊公司已兩年。離開一個待了九年幾的地方，全然是因為想離開一個了無生氣的地方，想有一番新體驗，想找個能發揮所長的地方。雖然身邊很多朋友都笑我傻，工作不多，薪優糧準，簡直是身在福中不知福。

但是，每個人對生活的要求都不盡相同，別人眼中的優差，於我而言，只是在消耗着自己的光陰去換取生活所需。但衣、食、住、行，其實只是何其簡單！

離開後，經歷了去年的金融風暴，失業了一段頗長日子。失業時，情緒低落時，也曾在腦海閃過一個問題：自己是否不應離開呢？但是再往前行的路上，証明自己所選擇的是對的。

最近，趁着假期，打電話跟些朋友拜年。找到舊同事，交換了近況後，她就忍不住，說我當年傻，只要多忍一段日子，情況就不同了。她說因為老闆去年請來了一個新的主管，準備成為上司的接任人，要上司提早退休。她說她明白我為什麼要走，她知道是上司給我投閒置散了，她覺得上司忌我，不想給我機會以免超越他。

我說我倒沒有這感覺，他是我上司，自己也不是那種喜歡越過上司，向老闆打報告的人。我真的只是覺得公司的工作太輕鬆了。而且，因上司要做大好人，很多時自己提的意見都不中聽，漸漸就失去了工作的意義。

也許，我當日的離開，造就了今天公司（好）的轉變。要是我沒有走，也許一切依然。

反正，出去兜了一圈，自己又再重新把刀鋒磨利了。而且從實戰中，又學會了新東西，遇到新的人和事。

世事難料，命運是不可預知，也不可控制。但我可以主宰我的生活，活出自己的風采，選擇不虛耗自己的生命！

 

真假雞泡

繼真假 Nudi 後，又嚟真假雞泡。
本來呢套扭蛋係７月見到。不過因無法全套買下來，也就慳番，反正要抽就有排都集唔齊。人嘅欲望係無止境嘅，所以一於唔抽，慳番。


不過上星期六經過，都係忍唔住，入咗十蚊。當然希望抽到鯨鯊啦！

話說入完第一個五蚊，第二個就卡住，要店員來開機。佢開咗部機之後，我見到 D 一個個嘅蛋蛋，我問佢可唔可以就咁攞呀？

佢問我鍾意邊隻，我指住條鯨鯊，佢話呢隻都幾靚，跟住就關番部機。

我以為唔知係唔係我抽唔到鯨鯊的話，佢就換隻俾我呢?

不過扭蛋就好似抽奬咁，睇下好唔好彩，所以我都係疊埋心水扭！

結果............................................


佢都幾 cute 呀!






當我揸住隻雞泡，行出門口時。

店員小姐說＂小姐，我換隻鯨鯊俾你呀！..................................................

以上只係我嘅幻想，又點會發生呀！

別了！亞芳。

早前流行着一句公仔箱劇集對白：人生有幾多個十年。

芳就活了四個十年，我們就相識了兩個十年。

今晚是芳設靈，晚上突然下起大雨，全無預兆。

靈堂沒有哭哭啼啼的場面，我們五個朋友，縱然傷心失去一位朋友，但當知道芳是如何堅強的與這血管瘤搏鬥了二十年，我們明白最好送別她的方式，是笑着與她說再見。

一個二十歲的年輕女子，因一次看東西時見到兩個影，而去檢查身體。結果發現腦內生了一些血管瘤。動了第一次手術，但這病沒有因此而痊癒。因為血管瘤隨血管而生，無法根治。

據她家人說，五年前血管瘤擴散到肝臟，動了一次手術把部份肝臟切除，之後數年，其他器官也動過手術。但除了家人外，沒有一個朋友或同事知道她的病情。不知情的同事當然埋怨她經常請假。

兩年前我們圓了一個夢，就是再一起回到我們相識的地方旅行。那年我們參加學生會的台灣旅行團而認識，幾個女孩子回來後仍往來。二十年後，再一起到台灣，不同的是，大部份已身為人母，參加的是一個個家庭單位，真是難得。

在她彌留的前一天，去醫院見她，也許是最後一面。早上與朋友通電，哭過一場後，我帶着平靜的心情去見她。但見她以氧氣罩呼吸，身體虛弱，無法動彈。雖然心痛，但我捉着她的手，與她說話，說着我們認識的旅程多愉快。

人生有幾多個十年。從沒有人保證我們必有百歲生命。我們活着的日子其實是每天在倒數。我不是消極。相反，正正因為生命的無常，我常以積極的態度做事。只不想自己有遺憾。時常提醒自己，要珍惜一切，把握時間去愛身邊的人。

這夜，我選擇了以這樣一個方式悼念她。