新衫新鞋潛Bohol

今次外潛買咗件4/5mm 的wetsuit，全程都很溫暖 ．因為我是異常怕凍的，所以即使我件舊的 3/5mm ，係菲律賓四月有成27-28度水溫，我都會凍到腳指尾痺晒！

買4/5mm最唔好就係選擇少，冇乜顏色選擇．訂造又怕未必真係啱身，難得果日係dive shop一試呢件即啱！仲買埋新鞋，因為對舊嘅爛爛地 lu!

件衫 Virgin dive 時，因為厚咗，已經加多兩磅沿，８磅加到 10磅，但係都唔夠，結果要埋船再加多兩磅，擾擾攘攘一輪，落到水，就發現唔見咗亞 sir 送果個相機袋！（相機冇唔見）真係有d 唔開心，因為買唔番架！唉！不過每次外潛，總係會唔見野！

新衫

新鞋

我的Log Book

最初去外潛，都喜歡買本 Log book 當 紀念品．不過有時 D Log book 唔係寫到好多，而且大細不一．所以去年開始自製了一本獨一無二的專有 Log book，可以自由發揮！

已用的 Log Book

唔捨得用嘅 Log book

自製 Log book，獨家專有！

仲有埋我嘅潛姿

Bohol 菲律賓

趁住 5.1 個假期，攞咗兩日大假，近近地去咗菲律賓．雖然話近，但係都一樣要飛機＋車＋船，再＋車！連埋中間等的時間，足足 9 粒鍾至到 Resort.

未出發前都已經聽過 Bohol 係睇細野，不過其實係細野都唔多．可能又係因為地球氣溫變暖，水底的環境越來越差．不少珊瑚都有白化的現象．幸好，水好清（不至於水清無魚），而且頭兩日都好好陽光，只係第三日落雨．而凡事如果唔係期望過高，總會有些驚喜嘅！今次的驚喜就係侏儒海馬！不過因為以前已經見過，今次就冇乜影相喇！

Pygmyseahorse

Clown Frogfish

Frog fish

想睇多 D呀，睇呢到啦！® Bohol 相簿　

唔知係唔係出發前多野做，抵抗力差，又作感冒．連續三次外潛都係咁！我這個爛潛鬼第一晚已經唔敢Night 住．但係第二朝，都係鼻窒．攬咗好耐才反到壓．但其他人已距離好遠，只好開足Turbo 追．一路Buddy都問我 ok 唔 ok．我都話 ok，直到一下，個人有種"虛浮"的感覺，個腦有少少空白咁．定一定神，深呼吸了幾口氣．才給 ok手勢給buddy．事後才知中咗氮醉！可能因為水深多過 30米，又 fin 得快掛!

其實舊年去 Sangalaki 都試過有呢種感覺，仲以為自己唔舒服，現在知道原來氮醉就係咁都好 D !

潛完呢轉，期望７月再戰詩巴丹．

孖樽之路

第二次練習是4月25日．天氣涼咗，得果廿度，又刮風，不過今次打咗低．希望可以玩耐D．

相隔兩個星期，已經失晒憶，所以D喉點裝完全唔記得！挍完一輪落水，又係到團團轉團團轉，皆因當我則右邊膊頭向下，令個valve向上時，(理論上咁D氣先走到)，我個身就失平衡打轉．轉轉轉．．．．唉！點解會咁架？！結果又係一個屁股向下才落到！落咗去冇耐，控制唔到 Bouyancy又昇咗水，我覺得件bladder好sensitive，多少少氣就已經昇．結果上上落落上上落落咗３次，第四次先可以控制得好D．

Debriefing 時亞sir話要靠自己感覺，但我只係覺得好容易左右擺失平衡．點解孖樽同單樽係完全兩回事，真係有D frustrate!　

復活節遊上海

復活節同朋友一齊去咗上海玩，自由行．第一日去到酒店安頓好已經是下午四點半．我們便在附近一帶走走．我們邊行邊食路邊小吃，雖說是小吃，但加起來便食飽了，以致見到有一檔食麻辣湯麵的檔都再沒有Quota 吃，而且朋友也不能吃辣，所以便沒有吃了．

叫＜靜安小亭麻辣湯＞的小檔 － 好大碗呀！好似好辣呀！不過我已食唔落啦！

第二日，與在上海住的朋友會合，然後駕車到一個叫烏鎮的地方．這裡原是一個古老的城鎮，鎮內有水道相連．現在發展成旅遊境點．

城裡的民居都變成了店舖，就好似麗江一樣．當然少不了各種各樣賣小食的店舖．

有辣有唔辣嘅豆腐干

白色果隻唔記得係乜，不過麻麻地，粉紅色果隻都唔錯．

夜晚住在一坐陸羽山莊的地方，很清幽，連幹部都係到開會架！

第三日駕車去杭州，兜一兜西湖，就駕車番上海．

第四日都係食，豫園內出名的南翔饅頭店．

鎮店之寳 - 蟹粉灌湯餃，要用飲管”絀”嘅灌湯餃，睇下就知幾好味道！

孖樽之路

第一次孭孖樽　－　4月11日

這一堂真的是期待了很久！７點半到泳池，首先要調教好D裝備，其實背板同bladder都係亞sir 嘅，所以一早亞sir 就先教短晒 D帶，不過都再要執下，事實上我同亞sir 個size相差太遠，所以多餘嘅帶幾乎仲長過要用果截！之後再上bladder同樽，裝嘢時好緊張，驚挍錯，挍得尼都成半粒鍾．一切準備就緒，坐低著好晒，但係根本起唔到身，要人”稱”至可以企係到．唉！咁辛苦為乜？

落水前同recreational 一樣，都係要buddy check，落咗水亦要做一次，睇下有冇漏氣，D喉有冇"kick" 住，個Reg係唔係正常．跟住亞sir 話一齊decend，要面向下，拉個bladder 下面嘅valve放氣．個姿態就好似跳傘咁！但係當我拉咗兩三下個valve之後，就放極都放唔到氣．亞sir同兩個大師兄已經落咗去，我仲係水面爭扎，挍咗好耐好耐好耐．．．．．卒之打咗個圈，一個屁股向下才落到去，當然這個姿態同方法都係唔啱啦！真醜怪！

我只係練 bouyance 同 kick，浸咗半粒鐘，可能因為之前飲咗包嘢，人有三急，但係副gear  太重，孭唔到上樓梯，只好係池邊除，但係因為D帶太緊，咁又爭扎咗好耐好耐好耐．．．．．

去完廁所本來都想再繼續的，但是係池邊又再爭扎咗好耐都冇辦法著番套gear!實在消耗了很多體力同套嘢搏鬥，冇晒力，人又凍，本身狀態又唔好，所以最後都放棄再落水．

亞sir 埋嚟問我係咪凍，要休息，我話係呀，凍到冇晒mood 啦！

咁就完咗第一堂．下次再尼過！

 

 

快樂的鑰匙

數年前，一個同事send了這樣的一個電郵給我，覺得很有意思，一直保留着，提醒自己．

快樂的鑰匙

一個成熟的人握住自己快樂的鑰匙，他不期待別人使他快樂，反而能將快樂與幸福帶給別人．每人心中都有把「快樂的鑰匙」，但我們卻常在不知不覺中把它交給別人掌管．

一位女士抱怨道：「我活得不快樂，因為先生常出差不在家．」她把快樂的鑰匙放在先生手裡．

一位媽媽說：「我的孩子不聽話，叫我很生氣！」她把鑰匙交在孩子手中．

男人可能說：「上司不賞識我，所以我情緒低落．」這把快樂鑰匙又被塞在老闆手裡．

婆婆說：「我的媳婦不孝順，我真命苦！」

年輕人從文具店走出來說：「那位老闆服務態度惡劣，把我氣炸了！」

這些人都做了相同的決定，就是讓別人來控制他的心情．

當我們容許別人掌控我們的情緒時，我們便覺得自己是受害者，對現況無能為力，抱怨與慣憤怒成為我們唯一的選擇．我們開始怪罪他人，並且傳達一個訊息：「我這樣痛苦，都是你造成的，你要為我的痛苦負責！」

此時，我們就把一重大的責任托給週周圍的人，即要求他人使我們快樂．

我們似乎承認自己無法掌控自己，只能可憐的任人擺佈．

這樣的人使別人不喜歡接近，甚至望而生畏．

但一個成熟的人握住自己快樂的鑰匙，他不期待別人使他快樂，反而能將快樂與幸福帶給別人．他的情緒穩定，為自己負責，和他在一起是種享受，而不是壓力．

聖經吩咐我們要「常常喜樂．不住的禱告，凡事謝恩．」

你的鑰匙在那裡？在別人手中嗎？快去把它拿回來吧！

愛的反面不是仇恨，而是漠視且不關心．

Love changes everthing.

這篇文章希望你能體會到它的涵意．

其實我們身處的地方，不論是環境、人、事、物都很容易影響我們的情緒起伏，可是千萬別忘了！不要因為他人的一句話，而在意太久！