好彩去唔成，因為正患感冒，喉嚨痛，又包”雲吞”！
不過，可能有水潛就唔會病呢！
搬屋，真係好煩，呢兩年就搬咗兩次．上次搬已經揼咗好多野．而之後想買野，都會同自己講，”喂，又買，下次又要搬多舊野播！”於是多數都會慳番，所以理論上，無理由仲會有咁多野嘅．唔計傢俬電器，居然仲有四十幾箱／袋！
前日搬果日，天文台已經預告咗會落雨，好彩，連個天都幫我，一早開波，搬完先嚟落大雨！哈哈．
上屋搬下屋，雖然冇唔見咗籮穀，可惜我最鐘意果個 snoopy 掛牆鐘，就壓爛咗塊玻璃．
之前壞咗，我仲攞去整番好潻！
仲有一樣烏龍，５月尾 Sxgx 大減價，買咗套姆明床單／被套，到前晚攞出嚟用，先發覺姆明變咗 Winnie the Pooh!
．應該係個 sales 去完俾錢，番嚟攪錯咗．好彩 size 啱咋，唯有用住先啦！
