吹吹水: 5月 2009

2009年5月29日星期五

17/5北果洲大藍水

之前係香港都只係跟 D Dive shop 嘅船出海，差不多獨孤一味去橋咀，所以已經提唔起興趣係香港潛。今次師兄們安排了一個本地潛，本來都冇打算去，因為去完馬代都想抖抖。點知 Buddy 話今次大會搵咗幾個大師去同大花一齊搵 Nudi。嘩！於是我都報名一齊去。

本來地點係去火石洲嘅，話果度多 Nudi，但係果日因為天氣好，大會改咗去果洲。嘩！我上次去果洲嘔到七彩，今次自己又唔記得帶定暈浪丸，問晒成船人，都冇人有暈浪丸！點算呀！

好彩果日唔單只風平浪靜冇暈浪，隻船仲行得好快，個幾鐘就到。

因為我部相機又 Flood 咗，所有 D 相都係 Buddy 影嘅。淨係睇相，未必估到原來呢 D 都係香港出品呀！

Nudi 呀！我搵到架！

呢 D Globby 係一對咁出現，仲見到兩對添！以前係橋咀見過一條有尺幾長呢尾，可惜 D 水濁到無法影。

呢到有好多 Cusion Star 同時 Partner Shrimp

果日見到兩粒骰仔，一粒係傳統黃色，一粒係下面呢粒白白地色嘅，咁嘅色都係第一次見咋！

果日 D 水真係好清，落水嘅地方離地 8 米，一樣望地底，visibility 差不多有十五米！

好彩今次有去啫，真係要多謝 Buddy 拉我呢隻懶鬼去。今次仲係搬咗之後，第一次係香港潛，半個鐘就番到屋企，同以前要差不多兩個鐘至番到屋企，真係兩個世界！

2009年5月26日星期二

3/5 - 9/5 馬爾代夫完結篇

如果想睇全部嘅相，就 click 呢到啦！　相簿

其實今次我地隻船嘅路線係就好似幅圖咁行咗個圈。如果唔係住船，而係住 resort，可能只係在 resort 附近的 dive site 潛，而去唔到咁多地方喇！

航行路線圖

5月9日的下午，我們找了個 local guide，帶我們在 Male 市內走走，晚上9點幾，乘機，經 Sri Lanka 嘅Columbo到 KL，再轉機番香港，到部已經係香港時間下午一點。

馬代花緒

馬代嘅係著住衫游水架！

馬代係信奉回教嘅國家，呢 D 叫 Mosque，唔好叫 temple，當地人唔鍾意架！

2009年5月25日星期一

3/5 - 9/5 馬爾代夫 (八)

8/5 Dive site: Divaru Out, Rasfari Thila, Paradise Manta point, Paradise House Reef (Night)

第一枝係一個叫 Divaru Out 嘅 site，Out 係對開就係大海洋咁解，到這裡是要碰碰運氣，看是否會睇到 Hummerhead！嘩！好緊張呀，又好驚呀

。

下潛之後，同之前 D 唔同，唔係靠住個 Thila (海底山丘）嚟潛，而係只睇住個 guage嘅深度同方向指示，好似 A 仔 search & recovery 咁，畫四方格，逐格 search！好可惜搵咗成廿分鐘都唔見 Hummerhead 踪影！上水之後，DM 話數年前，果度係有好多，次次去都會見到，唔通又一證全球水質變差，唔通要＂深潛＂至可見番呢 D 魚？

Marble Ray

第三枝，一落水，就見到 Eagle ray ，只可惜我影唔到。而 12 人，有時條隊拉得太長，今次尾果 D Buddy 就見到 Leopard shark！

條獅子魚係唔係向條大青衣落梗催眠咒呢？

今日係最後一天係馬代潛水了，明天就要回到 Male，然後再番香港。

噚日 flood 機，經大家研究，覺得應該係條 O-ring 老化咗，而唔係好似第一次，我以為係自己裝機裝得唔好引至。好彩有個 Buddy 好人，借佢部相機俾我繼續過手癮。

嚟到倒數第二日，大家已經有些慨嘆就要走！無辦法啦，只好 charge 完電，再搏過。

7/5 Dive Site: Hafsaa Thila, Gangehi Kandu, Rasdhoo Maliveru, Eytery Faru (Night)

一條爛瞓嘅獅子魚，成七點都未起身！睇下佢 D 鰭都未豎起。

呢條就知醒好多喇！

Yellow Mask Angelfish

話說第二個潛，DM 其實落錯 Site。我地點知？因為佢每次都會畫圖嘛，但係好明顯，個 site 嘅地形同佢畫嘅都唔同。不過，錯有錯着，因為呢個 site　其實最有馬代 feel。主要因為呢個 site 對開就係大海。馬代 feel，我 D 機仔梗係影唔到 D 效果啦！

估下呢舊麵包 Cushion Star 下面係乜？