Derawan/Sangalaki 20-28/4/2007 (Day 7 & 8)

Day 7 - 3 Dives

Dive 23 – DERAWAN ISLAND – Jetty

連續3朝都是睇Jawfish 生BB 魚，終於今朝可以真正的潛下這個Jetty了!　

Dive 24 – DERAWAN ISLAND – Lighthouse

侏儒海馬好Cute，再影多幾張相先！

Dive 25 – DERAWAN ISLAND – Coral Garden cleaning station

最後一轉，臨上水前同大海講咗好多句Bye-bye! 不知何時會重潛此地.



想睇全部嘅相，嚟呢到啦：相簿


回程

4月28日，早上5:00am搭約兩小時船去Berau，船開了我便藎上眼休息．雖然是那麼早起，但一點也不睏．不過當我張開眼突然有人遞了盒早餐過來，原來跟船一起到Berau迎接客人的Ferninand，趁我們一睡醒便立刻送上早餐，實在太感動了！

到了碼頭，因為下雨，staff都用傘子替我們擋雨．再搭15分鐘“的士”去機場．所謂“的士”其實是一部很細的van．

回程中還有一段驚險的小插曲．話說班由Berau開往Balikpapan的內陸機，因誤點了半小時，害我們幾乎趕不上開往新加坡的飛機．幸好Resort的經理夠醒目和有勢力，飛機才延遲了20分鐘等我們．

Sangalaki真是名符其實的生卡"la" 地方，要三程飛機一程船才到．但畢竟這樣長途跋涉都是值的．因為Sangalaki這裡實在是太棒了！

Derawan/Sangalaki 20-28/4/2007 (Day 5 & 6 - Maratua)

 Day 5 - 5 Dives

Dive 14 – DERAWAN ISLAND – Jetty

 今朝要8:00am出船到Maratua, 所以個Sunrise dive唔能夠做太耐！幸好今日啱日子啦，伏了一會，不到３分鐘Jawfish終於吐BB魚了！真的好似The Reef講的一樣．後來發覺The Reef果套的加勒比海Jawfish是晚上生BB 魚的，而印尼Derawan這裡的Jawfish是天光前15分鐘生的！難道關時差事？

Dive 15 – MARATUA ISLAND – Big Fish Country

        Maratua Island是一個面積最大，形狀最奇特的島，呈U字型形，由Derawan約60分鐘船程可到，但我們的船碼力較小，去到Maratua 燈塔對開時一個摩打壞了，所以行咗個半鐘至到．

 Big fish country，故名思意，就係睇大嘢的地方．我們落水的地方是一條通往內湖的通道(Channel)的入口．一落去，就要到峭壁(drop-off)邊15米的地方，否則會被近水面的流冲到另一邊．然後沿着峭壁順流去，再進入channel 內．一共有四條Eagle Ray，不過有一條DM指極我都睇唔到！


Dive 16 – MARATUA ISLAND –Eagle Ray Run

        Eagle Ray run 冇Eagle Ray嘅?!

Dive 17 – MARATUA ISLAND –Light House

        冇大嘢喎，最大果條只係Crocodile fish!

        3 個島都去過了，我們要商議究竟明天番兜邊個島．大家都對Sangalaki 或Maratua較大興趣．但去Sangalaki只係睇Manta, 又唔一定睇到，所以最後一致決定番兜Maratua.

Dive 18 – DERAWAN ISLAND – Jetty (Night)

Day 6 - 4 Dives

        因為要早些趁流不大，在Big Fish Country 潛兩轉，所以今朝冇Sunrise dive.



Dive 19 – MARATUA ISLAND – Big Fish Country

        落大雨呀！在船上個多小時，大雨打在面上很痛呀！只好著上風褸，面向船尾由得它淋吧！幸好差不多到目的地時，雨勢減弱，又有少許陽光．心情都靚番D．這個dive的流就真的沒有昨天的急，但加上陰天，海底的光線明顯較昨天差．
太大群魚,好似洗衣機咁震撼!

Dive 20 – MARATUA ISLAND – Big Fish Country

        第二個dive的流比起第一個急了些，但這才像樣嘛！陽光也多些．睇完Barracuda，先後見到四條Eagle ray．跟住有兩個冇氣要上水，餘下四人再作最後衝刺！哈，又俾我們見多六條Eagle Ray，它們還是同一時間在Chanel底出現．上水後，DM話那裡是cleaning station，它們的身體在地上磿擦作清潔．

Dive 21 –DERAWAN – Light House

        這裡是可以見到侏儒海馬的地方．一下潛，DM就去到一棵類似sea fan 的紅色植物，這是侏儒海馬一般躲藏的地方，因為侏儒海馬的身體跟“樹枝”很相似，能起保護作用．不過找尋侏儒海馬踪影並不順利，上上下下找了一遍都找不到，幸好DM有耐性，他很小心的找，卒之找到．他還拍拍心口，很像在說：嘩！好彩找到！

Dive 22 – DERAWAN ISLAND – Jetty (Night)

 

Derawan/Sangalaki 20-28/4/2007 (Day 4 - Kakaban)

Day 4 – 4 Dives

Dive 10 – DERAWAN ISLAND – Jetty

        今早仍然是要等Jawfish生BB魚．不過一落去並不是看昨天的同一條，而是遠少少，大約相距４呎的另一條．伏了一會，見到它吐魚了，可是吐吐下，它把頭縮回洞內．係洞內又吐了一會．吓！為什麼跟電視節目The Reef的不一樣的？人家是伸個頭在洞外吐的！等了很久，仍然沒有出來，然後我又睇睇昨天那條，都仍然是“含”着BB魚而已！足足等了一小時十分，頂唔順，放棄了！

        DM照舊係出發前show個模型介紹，仲多次提到current，這裡想必是很大流！由Dive sop 出發，Kakaban 比起Sangalaki再遠少少．船行到差不多8:55am，boatman突然大叫 ”Dolphin!　Dolphin!”．原來一群約七八條的海豚正在船頭與我們的船追逐．我們一面影相影／Video一面大叫喝采！它們玩了差不多廿分鐘才離開．在船頭再遠約一百米有另一群海豚．

Dive 11 – KAKABAN –Barracuda point
        一落水我們先到10米水深的地方，開始順流沿峭壁下潛，20米， 25米， 30米，然後順水流至見到一群Barracuda．（上水後buddies話其實有兩群，吓！點解我只是見到一群嘅！）這裡水流真的很急，大家都要出動頂流鈎．影了一會，DM check 住NDL，然後示意我們離開．我們慢慢順流向上．不知是否體重較輕，我好似給水流冲得最快似的．不一會我已“超”過所有人．突然一條豹紋鯊出現，DM猛叮我停下來．嘩！好彩立刻出個頂流鈎鈎住，否則停唔切，就向住條豹紋鯊飛過去，到時懗走佢，我就係罪人喇！停低之後望下前面，吓！唔見咗嘅！擰轉頭望，原來佢過咗我頭，係我後面，再轉了個彎向我游過來，好近呀！好驚呀！我冇問定師父豹紋鯊咬唔咬人潻！卒之佢係我前面大約兩米距離右轉．好緊張呀！它在我們面前兜咗數圈，玩了一會才走！

潛完第一個Sangalaki 的dive 就去水母湖玩，DM話係到玩30分鐘．由碼頭行去水母湖的一段路，是用木搭建成的梯級，很易行，比起Palau 的容易．行大約五分鐘便到．

一眼望以為這個水母湖比Palau 的小，其實不是，因為Kakaban這個是程馬蹄形，所以另一半就因為中間收窄了的原因被遮擋了．據資料顯示，湖內有４種水母，但我只見到兩種．其中一種同Palau 的相同，另一種的觸鬚部份比較短小．這裡的水母多數沉在底部，只有少數半浮在水中．但是水質就較Palau 清，所以在湖邊一帶1～2米深的地方，都可看到湖底．

        

   
 離開水母湖，係碼頭準備上船時，突然見到一條豹紋鯊係距離碼頭大約３米遠的地方出現．顏色跟之前見到的那條不同．Boatman 話揸咗9年船，都未見過有豹紋鯊游得咁近碼頭，話我們真夠運．

Dive 12 – KAKABAN –Barracuda point

        有了第一次經驗，今次頂流順利很多了．不過潛完呢轉，一上水就嘔，唔知係暈船浪定因為太大流！

Dive 13 – KAKABAN –Barracuda point

        第三轉仍是同一個site，皆因這個site是最勁的．今次群Barracuda 移了位，近了些，所以有些buddies 都fin了出去影相（做model個隻！）

不過我呢轉仲慘，係成20米睇Barracuda 時，個胃突然在翻騰，當其他人影到興高采烈時，我就作了一次處女UW vomiting！隨了DM外，冇人知道我嘔，因為大家都顧住睇Barracuda．唉！去到做safety stop 又嘔多次！

        坐完一個鐘船番到去散晒，連個Night 都唔做喇！

Derawan/Sangalaki 20-28/4/2007 (Day 3 - Sangalaki)

Day 3 – 5 Dives

Dive 5 – DERAWAN ISLAND – Jetty

        平時在Jetty 潛都是沒有DM 帶的，不過今朝Adhi 就話帶我們去睇Jawfish． 一落水, DM就帶我們去到離Jetty 大概有20米遠的沙地，示意我們伏在地上等． 然後他用電筒照了照地上一個洞，原來有條Jawfish在洞中，伸了個頭出來，張大個口，裏面含着數不盡的小魚卵． 見到一點點眼睛．我們足足伏在那裡半小時…結果它仍然是”含”着小魚卵! 直到DM示意叫我們走，似乎還未到適當的時候！

        08:30am在dive shop 準備出發到第一個外島Sangalaki．我們主要是要去Manta Parade睇Manta．出發前DM先給一個briefing．他還用一個模型來介紹那裡的地形，和下潛路線．由dive shop 出發，要差不多行了一小時船．

Dive 6 – SANGALAKI – Manta Parade

        08:40am 開船行了40分鐘便到．Entry point 是近燈塔的位置．落水後我們先到一處大約12米水深的地方，通常Manta都會在這裡經過．但是並沒有發現．再去第一個cleaning station(13米)，都係冇發現．結果，去到第二個cleaning station（13米），終於見到 Manta 喇．我們都伏在地上等它游來游去．影了一會它走了，於是DM就帶我們fin遠些去追．不一會又在18米深的沙底見到它了，那裡還有一班外國人．當條Manta正游過來時，其中一個鬼佬唔知攪什麼，浮在離地兩米左右，正正擋住條Manta，於是它掉頭便走了！嘩！真的想剎了他．

 Dive 7 – SANGALAKI –Manta Parade

        幸好這個dive睇番夠，DM話一共是七條，其實我都認唔到邊條打邊條．不過總之好興奮啦！

Dive 8 – SANGALAKI –Manta Run

        原本我們的DM計劃3:00pm做下一個潛的，但是朝早聽另一個DM Torhi講，話下午大約四時轉流，會較大機會見到Manta．所以我們中間落脈，3:30pm落水．不過結果係見唔到Manta嘅！潛了四十幾分鐘後，三人因唔夠氣，所以要跟DM先上水，餘下我們另外三人一於堅持到底，卒之俾我們睇到一條Eagle ray，距離我們廿多米遠，較我們近水面的地方．好彩自己夠“小氣”！

Dive 9 –DERAWAN ISLAND – Jetty (Night)

Derawan/Sangalaki 20-28/4/2007 (Day 1 - 2 )

Day 1 – 1 Dive only (check out 同night 都係佢)

Dive 1 – DERAWAN ISLAND – Jetty

由於大家都趕住落水，冇人裝相機．結果見到雞心螺，Flying fish 同一條啡色的Ghost pipefish，仲有一條成四五尺長的大青衣，都影唔到． 而後來幾晚夜潛都見唔番!

Day 2 – 4 Dives

第二朝原本來個6:00am 的sunrise dive，點知五點幾起身，發覺左邊個鼻塞晒，所以放棄sunrise dive，希望多睡一會養足精神. 大概因為出發前兩日有些喉嚨發痰，作感冒，但是冇睇醫生，以為是小問題，卒之鼻塞，仲日日“包雲吞”！

除了sunrise 同sunset/night dive外，一日有3潛．今天３個潛都係Derawan． 第一潛係 Coral Canyon．

Dive 2 – DERAWAN ISLAND – Coral Canyon
8:30am 在Dive shop集合，DM叫AdHi，坐船出發，數分鐘便到．我個鼻仲塞梗，一落水已經反唔到壓．落到８米隻左耳已經痛到飛起．Buddy　示意問我是否要上水，我想：唔係掛，山長水遠嚟到，唔係就咁潛唔到呀！但我真係完全反唔到壓，清鏡都清唔到．Buddy示意我用候吸放氣入Mask內然後用鼻索氣，但我又唔敢，所以決定先上水．上咗水面再用力”呻”清鼻涕，索索鼻，再嚟過．慢慢落，慢慢落，１２米喇，隻耳都唔痛，好嘢！

基本上Derawan 的site都是睇細嘢，都搵到幾種唔同嘅Nudibranch.

Dive 3 – DERAWAN ISLAND – Tuturuga Point

Dive 4 – DERAWAN ISLAND – Dharma Point

上水後大家在Dive shop 旁的小亭坐着吹水．打算坐到6:3pm0再嚟個Night..點知坐坐下，突然見到有一隻海龜係我們對開１０米的地方登陸．當時係6::25pm．我們即時想到她一定是來生蛋了．我們屏息靜氣，不敢大聲，怕懗到她．她爬得很慢，爬幾步就要抖一抖．Resort的人員把她附近的燈關掉．因為如果有聲音和燈光騒擾，都會懗走她．如是者，差不多爬了４５分鐘，她終於找到一個合適的地方，開始挖洞．挖呀挖，挖呀挖，團團轉咁挖．她每挖六，七下就要抖一抖．突然之間，我們聽到一下一下的口哨聲，就好似人吹口哨吹唔响的聲音．當時，亞drew同幾個當地人企係我左手邊．每次聽到口哨聲，我就望一望亞drew那邊．我以為是當地人吹口哨，過了幾次，亞drew靜悄悄走過嚟，申冤似的說，“你地唔好望住我啦，唔係我吹呀！”我知一定不是亞drew，不過原來也不是當地人，而是海龜媽媽抖大氣時發出的聲音．好神奇呀！
我們繼續睇佢掘，有個staff 唔生性，突然開著了一盞燈，幾乎懗走她！眼見她掘了半句鐘都未掘完，我們又未吃飯，所以立刻先去醫肚．　

誰料食飯不到15分鐘，DM Torhi 話佢接到其他staff 電話，話海龜已開始生蛋，叫我們立刻過去．於是我們便拔足飛跑過去！幸好過到去仍見她一個一個的把蛋生下來，直到把最後一隻生下，然後再蓋上沙．估計這個生蛋過程約20分鐘．後來發現，原來海龜媽媽右邊“腋”下有一個金屬扣，上面寫上“343”，相信是她的記號．之後她再慢慢地爬回大海，前後歷時差不多四小時，真的很辛苦呀！

     

   

 為了見證這偉大的過程，放棄了一晚夜潛都是值得的．WWF 的工

作人員數過有85隻龜蛋．我們還參觀了WWF人員把海龜蛋收起，拿去保護區，再掘個地洞把海龜蛋埋好，等待孵化．

Derawan/Sangalaki 20-28/4/2007 (出發篇）

出發　
4月20日18:00一行六人在機場集合，乘搭星航20:15起飛到新加坡的班機(約3小時40分)，大約在23:58降落，當晚到了Captain在新加坡的家借宿一宵，因為第二朝要搭很早的飛機，只有數小時休息，所以我們沒有訂酒店． 在香港check in 時，已將寄倉行李直接送到Balikpapan，所以抵達新加坡後，辦完入境手續，便叫了部機場7人Van去Captain 於新加坡的家． 車程大約30分鐘，到達時已是零晨01:12hrs．第二朝搭了07:55的Silkair 到印尼Kalimantan 最大的城市Balikpapan (約2小時25分)，在10:12到達． Resort 的職員接了我們去VIP候機房休息，等待搭13:10起飛到Taka ran 的內陸機(約50分)． 我們沒有選擇搭內陸機去Berau, 而是去了Taka ran , 是因為我們無法趕上Berau 開到 resort 的船．

　　14:00到達Taka ran 後再坐了差不多半小時車才到海邊的碼頭，乘坐resort 安排了的船，在航行了約3小時後，終於在18:15到達Derawan Dive Resort．反正趕不上做個check out dive，所以索性吃過晚飯，才接著進行了一個 night dive。
住宿
Derawan Dive Resort

DERAWAN DIVE RESORT 的老闆是第三代華人，平時很少在resort．我們在Balikpapan 的VIP候機房剛好碰到他也乘同一班機．不過到了Taka ran他就乘自己的私家船回resort。老闆很nice，到步後第二個晚餐和臨走前的晚餐，他都送了一條斑給我們吃，還送了一枝紅酒給我們，我們留到最後一晚與六位上海divers一齊分享．

我們住的是Deluxe Twin Room，房間夠大，有獨立厠所和浴室，有冷氣有風扇，唯一問題是偶爾會跳fuse． 我們六人佔了相連的3 間房，很是方便．Dive shop 就處於沙灘邊，由房間行去不需一分鐘便到．Dive shop 內有30格作為locker 用，有3個tank分別浸camera，wetsuit 同其他equipment，好企理好乾淨． 我們到步的頭兩天只有我們六人，第三天才多了六位來自上海的divers． 大家的行程不一樣． 所以無論係用dive shop，係餐廳食飯，和去dive site，一點都不迫．個resort好似exclusively 俾我們包了一樣．

Dive shop旁有一條約一百多公尺長，用木搭建成的Jetty，沿着Jetty 行出去便是餐廳．
再行到盡處便是house reef 可以免費日潛夜潛的地方.．Jetty 附近有很多魚，亦有海龜，剛是行這段Jetty已有很多發現．

　
餐廳大堂約千餘尺，中間地板剧開一個六邊形，可看到Jetty下面的魚，更可一面食一面喂魚! 我們多數坐在露天部份的屋簷下，既可遮蔭，又對住個無敵大海，真寫意.

第二日食午餐時仲有彩虹睇! 餐廳主管Ferninand，係一名廿來歲的印尼小伙子，在resort 做了3年．大家最欣賞他早餐煮的粥． 要去外島的4個早上，因為都是pack 早餐而冇得食熱騰騰的粥，大家都覺得好失落!  主棻方面，雖然不外是雞，魚，牛，蝦，但每次烹煮方法都不同，印象中只有一兩款試過重複．

             
至於附近島上的住宿，Sangalaki Dive Lodge SDL 已經無運作，現時而空置，作為divers 潛Sangalaki 時食lunch和休息的地方． 另外係Nabucco Island 上，有一間Nabucco Island Resort，是我們去Maratua 當日食lunch 同休息的地方． 雖然沒有仔細參觀，但單是個Jetty
同Dive shop，就已經唔夠Derawan 好． 唯一好過Derawan Dive Resort 的是Nabucco 有souvenir shop 而Derawan 就冇!
　　仲有一間Maratua Paradise Resort，因為冇去過，所以冇comment．